沾仔記 (威靈頓街)

營業中

休息中

聽講依間麵店好出名 亦都歷史悠久😀所以專登決定過嚟試一試！ 聽聞依度既雲吞 鯪魚球同牛肉都係好好食 而咁啱餐牌上有一碗麵（至尊三寶麵）可以滿足晒三個願望 就係一次過試晒三樣嘢！而且價錢亦都合理😄當碗麵嚟到嘅時候 已經有滿足嘅感覺 因為佢嘅賣相都幾靚 而且份量都好足夠😍佢嘅雲吞同鯪魚球都好大粒 雲吞真係好足料（有新鮮嘅蝦同肉） 而鯪魚球又唔會好多骨仔 個牛肉都好淋👍整體三樣嘢都覺得好新鮮！食完會有滿足嘅感覺😍個麵都唔差而食得辣嘅朋友 建議可以試吓佢嘅辣椒油 佢哋嘅自家製辣椒油都唔錯㗎😆覺得正仲可以買返樽返屋企添！我都買咗樽架😆