麺屋こころ (新城市廣場一期)

營業中

休息中

食得日本湯拉麪多嘅，想轉吓口味，可以去試吓呢間嘅日本撈麵，之前食過覺得唔錯。呢度嘅麵條係師傅店內每日新鮮製造。麵條會較為粗身，食落爽口煙韌。跟沾麵比較， 撈麵食落會較為乾身。今次我外賣點咗‘正宗全料東京撈麵’ （豬腩、生蛋黃、豬肉碎、溏心蛋、紫菜、蔥花、韭菜、竹筍、生蒜、魚粉）價錢$109。打開外賣蓋後，已被擺滿得五顏六色嘅配料吸引住，賣相一流。溫泉蛋，豬腩做得非常出色，再將麵條/配料/醬油撈埋一齊食，味道非常惹味。