東京街日本料理 (馬頭角道)

營業中

休息中

之前喺旺角同朋友食過東京街嘅堂食，原來而家土瓜灣有佢嘅外賣店！今日行過就買咗一個丼飯來做晚餐，質素貫徹水準，今日分享一下。今日叫咗個四色魚生丼，包含咗四款刺身，每塊兩片，三文魚近乎腩位，魚油直逼口腔！活赤貝爽甜新鮮，池魚少少腥但入口okay，最後有文姐最鍾意嘅甜蝦，蝦肉鮮甜少黏口！米飯嘅醋味好足夠，而且米飯溫度適中。另外配有兩片玉子、蟹柳、薑片、青瓜粒，可以話係色彩繽紛， 十分豐富。整體來講，刺身新鮮又肥美，壽司即叫即整，嗰日去到都有少少人流，等咗大概10分鐘！見到附近都有唔同類型嘅店舖，下次經過可以試吓掃街