東京街日本料理 (馬頭角道)

營業中

休息中

呢間東京街以前係其他分店都食過幾次，一直都覺得佢地保持到品質同埋價錢真係唔貴。今晚係土瓜灣收工返屋企買左個外賣返屋食。不過呢間分店就唔係好大，主要都係外賣叫左個極上火灸五色魚生丼，都已經包左沙律菜同埋飲品。呢個丼有幾款刺身，包括三文魚,油甘魚,吞拿魚,左口魚同帶子，每款都有2片刺身每片厚切，食落新鮮。火灸過特別有種香味，特別係左口魚燒一燒過真係香好多而且入口就融即感覺。飯量都OK正常，食完夠飽小提醒：餐廳都真係比較多外賣，所以都要等一段時間先有。

土瓜灣這間和食料理主要以外賣為主，但我偏愛堂食。店內雖然空間不大，只有一張長吧枱可供堂食，但整潔乾淨，選擇在店內用餐主要是因為想品嚐到即時製作的新鮮美食。這裡的餐單種類繁多，包括壽司、手卷、魚生、刺身丼和拉麵、烏冬⋯，讓人每次來都能找到新的驚喜。特別一提的是店內的食物大多都是即叫即製，保證了最鮮美👍✨K07 什錦壽司盛$58三文魚一件三文魚腩一件吞拿魚一件鰻魚一件火炙左口魚一件油甘魚一件✨K06吞拿魚全盛$58吞拿魚一件柚子吞拿魚一件吞拿魚拖羅蓉一件醬燒吞拿魚一件拖羅蓉軍艦一件✨A11 北寄貝刺身（6件）$38✨A13 八爪魚刺身（5件）$48整體刺身和壽司，肉質緊實彈牙，新鮮肥美，價位親民，絕對值得一試😋✨R03日式海鮮拉麵，拉麵彈牙爽口，豬骨湯底味道適中，不會過鹹，配料有大蝦，青口，帶子，糖心蛋，鳴門卷…非常豐富，$78 好抵食👍

💖 琴日同朋友去咗土瓜灣嘅一間日本料理 呢間係外賣店外 亦有有少少座位，開心好滿足！套餐有湯同沙律~三文海膽魚籽丼 🥢三文魚切得厚又新鮮，魚油香氣撲鼻 🐟海膽濃郁滑潤，口感超好 🦀魚籽爆珠喺口中，帶嚟多層次嘅味道 🎊飯粒配上海味，真係無得頂 🍚~蒲燒鰻魚牛肉便當 🍱鰻魚燒得好香又滑，入口即化 😋肥牛嫩滑有嚼勁，味道香濃 🥩白飯粒粒分明，吸收晒蒲燒汁，好入味 🍚整體黎講，呢間餐廳嘅刺身好食價錢親民，服務都好貼心！👍🏷️東京街日本料理 (馬頭角道)📍 馬頭角道57-59號地下B號舖

發現咗呢間壽司小店——東京街，有驚喜。 M01梅壽司定食$98種類豐富，壽司有三文魚、吞拿魚、帶子、大赤蝦、八爪魚、油甘魚、真鯛魚等，肉質緊實彈牙，定食配送麵豉湯同沙律菜都不錯。T07極尚火炙五色魚生井$138滿滿一碗有三文魚、油甘魚、吞拿魚、帶子和左口魚裙邊，魚生都是厚切，新鮮肥美，鮮甜可口。 T08北海道井$145 *我心水推介三文魚、油甘魚、牡丹蝦、帶子、海膽、蟹肉、蟹膏，多款刺身一大碗很滿足，北海道帶子肉質肥美，蝦肉清甜爽口，蟹肉同蟹膏鮮味十足。 呢間小店主要做外賣，店內有幾個位可堂食，見唔少食客喺度等外賣。而且佢哋嘅刺身井份量足，做得出色，高質抵食夾大件。

香港有為數唔多嘅堂食express壽司店長期都見到東京街餐廳好多人叫外賣難得見到有堂食 放工同朋友黎食壽司 輕鬆吹下水✨餐牌有刺身、拉麵、鍋物、dinner set ... 價錢親民🌸 M05 菊九州刺身定食 $158 呢個定食入面嘅刺身選擇好豐富🍣✨包括三文魚、油甘魚、吞拿魚、北寄貝、帶子、甜蝦、八爪魚同真鯛魚三文魚滑嫩脂都好豐富吓 油甘魚清新~~特別鍾意甜蝦嘅鮮甜 真係好味到無得輸！😍仲有白飯配搭 P.S. 不過係熱飯黎架沙律菜都算新鮮 加左少少油醋汁都味道都幾唔錯性價比又真係極高❤️🌸 WO2 冷烏冬刺身便當 $86 🍱裡面有溏心蛋、吉列蝦、厚切油甘魚同厚切三文魚再加一碗油醋冷烏冬 烏冬煙靭口感吉列蝦外脆內嫩 搭配冷烏冬嘅清爽感份量十足 食到勁滿足 價錢合理刺身新鮮 選擇多樣 環境寧靜舒服人均$100多 ~ 絕對係CP值極高既express壽司店✨

懶人唔想煮飯🤣唯有落街買外賣🥡減脂期間食壽司最好，不過有少飯就更好啦呢間已經食過好幾次，今次啱左個刺身 #油甘魚 + #呑拿魚 個人鐘意食油甘魚多啲，唔會腥，油脂啱啱好😍份量都幾多！壽司拼盤🍱 #芒果花之戀 我最愛，甜甜地加埋三文魚🍣都ok幾好味！仲有 #活赤貝壽司 開頭驚會好腥，但食落好鮮甜。整體壽司都ok，而家買滿$300仲可以減50，幾抵食！減脂期唔想煮，但又想食得健康啲可以揀壽司🍣不過佢哋既飯係偏軟少少，個人鐘意無咁冧既飯會更好味

土瓜灣真係一個福地，當個個放工都去晒油尖旺或過海relax大胃就嚟土瓜灣靜一靜，嚟呢間抵食日本外賣店打吓躉，現場都有啲位可以俾食客堂食棉胎壽司大胃就聽過，怪獸壽司又點呢？呢件三文魚腩真係激厚，壽司飯under都顯得微不足道，油香滿滿雙色甜蝦除咗有兩條大甜蝦，仲有啲蝦蓉喺上面，啖啖蝦肉勁正，蝦頭又多蝦膏除咗怪獸級，都有珍寶壽司，帶子又係大件到傻咗，有檸檬喺上面做點綴提鮮，一咬落去爽口又鮮香另外，海膽赤蝦雖然唔係珍寶，但都幾大件，上面嘅海膽唔會腥，同爽朗蝦肉非常夾吞拿魚壽司好靚仔吓，冇乜筋清一色鮮紅，食落鮮感十足左口魚都大件，燒到油光粼粼，滲入飯粒更正嚟呢間食花之戀絕對好過食獎門人嗰間，冇咁貴之餘，真係好食好多。仲有芒果花之戀揀，同三文魚幾夾，仲有鮮膩感覺兩個人食完咁多壽司都飽喇，想暖吓胃嘅話都可以食碗拉麵佢啲叉燒又係激厚，有三大塊肥瘦比例完美，正過食東坡肉

今日想食壽司，行過見到呢間東京街日本料理壽司店，我見到佢放响櫃裏面啲壽司都幾新鮮，又見到佢餐牌又幾抵食，但見到佢店內比較細，得5個位做堂食，於是我哋就叫咗外賣返屋企食。M01 梅壽司定食 $98— 三文魚壽司2件 ：— 吞拿魚壽司1件— 大赤蝦壽司1件— 八爪魚壽司1件— 油甘魚壽司1件— 花之戀壽司1件— 真鯛魚壽司1件— 帶子壽司1件— 加州卷壽司2件壽司好新鮮，魚類壽司好甜美，貝殼類壽司好爽口鮮甜。可惜啲飯落醋太多有啲酸。M03 竹極尚壽司定食 $128— 怪獸鰻魚壽司1件— 怪獸三文魚腩壽司1件— 火炙左口魚壽司1件— 火炙油甘魚壽司1件— 火炙帶子壽司1件— 火炙醋鯖魚壽司1件— 火炙芝士玉子壽司1件— 加州卷壽司2件— 黑椒大赤蝦壽司1件火炙壽司燒得剛好，還有外熟內生嘅感覺，肉汁豐富，入口更有層次。可惜啲飯落醋太多有啲酸。麵豉湯裏面有腐皮，入口感覺唔會太清淡。新鮮沙律菜加埋沙律菜醋，酸酸地特別好食。

呢間「東京街日本料理」唔係第一次食，我之前喺朋友屋企開party叫過外賣，覺得性價比幾高，刺身壽司款式多之餘，價錢又OK，所以就膽粗粗嚟咗土瓜灣分店堂食，點知簡直係中大伏😂🚁🚁🚁🚁 絕對唔建議大家嚟堂食😮‍💨首先環境坐得唔舒服，可能因為舖頭選址喺土瓜灣，服務生係一啲講唔鹹唔淡廣東話嘅內地姐姐，感覺好似入咗去譚仔食米線咁，然後我同朋友坐咗喺壽司師傅前面嘅吧枱，諗住斟水，點知原來座位前嘅斟水機竟然冇駁水管，加上連最基本嘅綠茶粉都冇供應，感覺唔似日本餐廳😣 最搞笑嘅係，果晚只得「譚仔」姐姐，完全冇壽司師傅嘅蹤影，欣賞唔到佢哋處理日式料理嘅功架。當日我哋叫咗Dinner set, 包一碗麵豉湯及沙律🥗，麵豉湯死鹹都係意料之外嘅事，點知啲嘢食竟然咁圖文不符，大失所望。👎🏻 吞拿魚拖羅蓉丼吞拿魚丼個賣相仲衰過另一間地鐵站連鎖店「爭X」，味道食落去唔奇怪，但個色水真係有啲難睇，另外吞拿魚蓉質素口感唔差，但碗丼飯明顯壽司飯為主，魚生切得太薄，感覺好寒酸。🤏🏻三文魚海膽魚籽丼三文魚睇嚟係餐廳嘅招牌菜，上次同今次食嘅三文魚都好厚切，海膽同魚籽冇腥味，感覺還好。相比吞拿魚🍣，簡直係天堂與地獄之別。以$158

把愛車帶到土瓜灣保養維修，順道在附近開餐；在馬頭角道見到「東京街」很多街坊買外賣，相信質素有保証，一於入內試試。小店主打外賣，亦提供吧枱座位，整潔企理，尚算闊落。點了蟹籽沙律小食（$28），份量甚多。蛋黃沙律醬和蟹籽鋪得滿滿的，賣相不錯。材料新鮮，爽脆青瓜絲配豐腴的蛋黃醬十分開胃。北海道丼套餐，有新鮮蔬菜沙律、甜品和飲品。沙律蔬菜以沙律醋調味，健康又美味。北海道丼（$145）材料豐盛高級，價格合理。刺身有帶子、油甘魚、三文魚、牡丹蝦、蟹肉、蟹膏、三文魚籽和海膽。刺身肥美鮮甜，壽司飯亦調味得宜，三扒兩撥便吃得乾乾淨淨。套餐提供白桃啫喱甜品，日本出品，好味道。

呢間壽司店我成日都幫襯除左價錢合理 食材都好新鮮所有壽司都係師傅即切既握見到好多人買外賣 其實都有少量吧台位置•三文魚/呑拿魚刺身 $58/5件•活赤貝刺身 $48剌身肉質鮮嫩可口 三文魚口感肥美活赤貝夠爽彈 完全無怪味•怪獸三文魚腩壽司 $25呢個三文魚腩真係好厚切入口仲會有魚油溢出 超級肥美•拖羅魚籽戀壽司 $35呢度除左有花之戀仲有呢一款特別版仲有帶子上面有拖羅蓉同三文魚籽味道更鮮甜同多層次•三文魚壽司 $14/2件•油甘魚腩壽司 $25/2件•大赤蝦壽司 $22/2件•火炙醋青魚壽司 $20/2件另外其他口味既壽司都一樣抵食佢仲有其他Party Set既組合岩哂一大班朋友分享啦

支持小店！呢間壽司小店價錢合理，壽司即叫即製，質素穩定，已經幫襯過幾次🤤 -怪獸三文魚腩壽司 $25-怪獸雙色甜蝦壽司 $25-珍寶帶子壽司 $35怪獸系列壽司，Size 會比平時更巨型，更加肥美，口感更加啖啖肉🤤 三文魚腩切成小格格形狀，層次感更豐富。-火炙左口魚壽司 $25 左口魚油香滿溢，火炙同左口魚係不敗嘅組合！--活赤背壽司 $48一向都非常鍾意食活赤背，鮮香味美，口感爽滑！-花之戀 $16 -香蔥拖羅蓉卷 $48 -三文魚手卷 $22份量慷慨，質素新鮮！

東京街日本料理👻之前食過太子分店都幾好今次係土瓜灣就買佢外賣返去食新鮮即整又幾新鮮唔想煮飯既時候叫下外賣都幾好🥰.🔅甜蝦刺身五隻 HKD 58新鮮又大隻嘅甜蝦刺身真係好鮮甜食落連個蝦頭都好多膏好高質既刺身😆🔅大赤蝦壽司兩件HKD 22🔅帶子壽司HKD 16個帶子超級肥美大大件食落口好滿足赤蝦不嬲都係壽司必食夠彈牙好正😛🔅火炙左口邊HKD 25🔅火炙辣味魷魚 HKD 16左口魚邊嘅魚油真係好豐富輕輕燒過更加香辣味又幾帶到魷魚嘅鮮味🔅花之戀 芒果花之戀 HKD 16花之戀越來越多款式Classic款同加咗芒果都咁好食🔅軟殼蟹卷四件HKD 35新鮮炸起嘅軟殼蟹炸到脆卜卜個軟殼蟹都幾有肉.整體來說:新鮮壽司 刺身高質😚.🎈 東京街日本料理 (馬頭角道) (土瓜灣)土瓜灣馬頭角道57-59號地下B號舖....#hkfoodie #hkfood #hkig #hkblogger #hkfoodblogger #hkfoodlover #foodies #852 #香港美食 #香港必食 #香港好去處 #食好西 #相機食先 #hohoeat #hohoeat_日本菜#hohoeat_長沙灣 #長沙灣

自從土瓜灣有左屯馬線後小編都多左黎因為真無好方便東京街由旺角外賣舖食到有堂食黎到土瓜灣做野當然都要幫襯下東京街出名抵食夾大件性價比高土瓜灣呢間之前以外賣為主現在有吧枱 可以堂食🔆甜蝦拼原隻赤貝刺身韓國赤貝爽口清甜 略帶海水味甜蝦鮮甜 完全冇腥味 睇個頭有冇黑就知會吾會腥小編平時好怕 解凍得吾好 帶住好重腥味🔆 MO3竹極尚壽司定食＄128係火炙系列壽司拼盤怪獸鰻魚壽司1件怪獸三文魚腩壽司件火炙左口魚壽司壽司1件火炙油甘魚壽司1件火炙帆立貝壽司1件 火炙醋鯖魚壽司1件火炙芝士玉子壽司1件加州卷2件三文魚同鰻魚壽司係驚艷三文魚厚到要分兩啖黎食 勁滿足鰻魚壽司入口即溶果份油香 簡直係欲罷不能其他壽司都好好味

喜歡吃日式料理嘅我，今次試咗一家店嘅【北海道丼】。老實講，一打開便當盒，就覺得心情好咗🌟，個丼飯真係擺得靚仔，色香味勁。每樣海鮮🐟都係盡顯鮮甜，尤其係果粒油甘🍣，咬落去彈牙得嚟滋味豐富，完全可以感受到海鮮嘅新鮮。話晒海膽都係我必食嘅清單頭幾位，呢個丼飯嘅海膽有份厚，味道鮮美得嚟帶啲甜，真係正。蟹膏同蟹肉🦀也都唔會俾海膽比下去，那份鮮美從舌尖滑遍整個口腔，令人無法忘懷。而家講到米飯，日本米嘅粒粒分明同埋啖啖飽滿，同海鮮嘅搭配猶如天作之合，相互襯托得就嚟是完美。嗱，唔好以為我會漏咗話嗰碟沙律同埋味噌湯，沙律清脆爽口，味噌湯香濃適中，幫助平衡整體味道。總之，係一次唔錯嘅美食之旅🍱，食客想要有一個平易近人嘅日式體驗，呢度絕對值得一試！