影片
更多
2024-09-28
1032 瀏覽
平時一大班人慶功宴離不開打邊爐/食放題，今次人少少都要食放題慶祝🍾！👧🏻就同朋友去咗銅鑼灣廣場既極尚大喜屋，食物質素每間分店都保持一貫水平，難怪星期一晚上都可以Full House！🌟刺生/卷物食放題其中一個重要環節緊係食刺生！各種魚類，例如三文魚、油甘魚都係新鮮肥美完全冇腥味，各種貝類刺生選擇亦不少，赤蝦夠曬鮮甜😝。迷你海膽手卷既海膽相當鮮甜Creamy，加上少飯量，食多幾隻回本就岩曬！就算唔食生野，卷物例如黑松露芝士軟殼蟹卷、魚子櫻花龍蝦沙律卷都係不錯既選擇。🌟炸物/串燒炸物例如天婦羅、炸雞翼呢啲對👧🏻嚟講係必食，天婦羅🍤炸衣夠薄，口感夠脆唔會覺得油膩，蝦剛剛熟口感夠爽，好值得Encore。另外牛舌、菠蘿🍍串燒都令人印象深刻，牛舌薄切好夠腍，菠蘿爆汁勁甜又冇渣，當係飯後甜品一流！🌟熟食落咗單但食物未到時，最岩就係出去攞野食，章魚小丸子/餃子🥟呢啲算係必有，但估唔到連海鮮，例如白烚蝦、青口、炒蜆、中式點心都有！另外自己落單仲可以揀避風塘瀨尿蝦、花雕浸鮑魚、黃金軟殼蟹、瑤柱豆苗、燒乳鴿等熟食🍲，選擇眾多。瀨尿蝦夠惹味又容易剝殼，花雕浸鮑魚夠軟身，黃金軟殼蟹係完整一隻蟹斬半，配埋黃金炸魚
🌟刺生/卷物
食放題其中一個重要環節緊係食刺生！各種魚類，例如三文魚、油甘魚都係新鮮肥美完全冇腥味，各種貝類刺生選擇亦不少，赤蝦夠曬鮮甜😝。迷你海膽手卷既海膽相當鮮甜Creamy，加上少飯量，食多幾隻回本就岩曬！就算唔食生野，卷物例如黑松露芝士軟殼蟹卷、魚子櫻花龍蝦沙律卷都係不錯既選擇。
🌟炸物/串燒
炸物例如天婦羅、炸雞翼呢啲對👧🏻嚟講係必食，天婦羅🍤炸衣夠薄，口感夠脆唔會覺得油膩，蝦剛剛熟口感夠爽，好值得Encore。另外牛舌、菠蘿🍍串燒都令人印象深刻，牛舌薄切好夠腍，菠蘿爆汁勁甜又冇渣，當係飯後甜品一流！
🌟熟食
落咗單但食物未到時，最岩就係出去攞野食，章魚小丸子/餃子🥟呢啲算係必有，但估唔到連海鮮，例如白烚蝦、青口、炒蜆、中式點心都有！另外自己落單仲可以揀避風塘瀨尿蝦、花雕浸鮑魚、黃金軟殼蟹、瑤柱豆苗、燒乳鴿等熟食🍲，選擇眾多。瀨尿蝦夠惹味又容易剝殼，花雕浸鮑魚夠軟身，黃金軟殼蟹係完整一隻蟹斬半，配埋黃金炸魚皮，送酒一流！
🌟鍋物
👧🏻同朋友就Share左兩個鍋物，包括雪花牛肉鍋同鮑魚皇帝蟹皇粥。牛肉鍋用上壽喜燒湯底，有幾件肥牛、生雞蛋、豆腐、娃娃菜。而蟹皇粥粥底綿密，除咗有少量蟹肉，仲有啲粟米粒。
🌟甜品
雪糕櫃有多款雪糕選擇，估唔到連Haagen Dazs最新既Pierre Herme系列都有，緊係要食返一兩杯回本！
🌟飲品
飲品選擇多到眼花撩亂，普通汽水之外，酒櫃仲有Asahi、Somersby 蘋果啤、Sapporo 等唔同款式酒類、冷泡茶、珍珠奶茶🧋。另外仲有凍/熱清酒🍶、梅酒可以自己斟，真係可以飲飽食醉！
張貼
