影片
更多
2025-01-07
1101 瀏覽
《麵屋日和》淡麗醬油拉麵 🍜📍銅鑼灣渣甸坊48號采怡閣地下5號舖香味 (2/5)一碗好食嘅拉麵，香味一定要夠香。我個人認為，味道，賣相，口感，故然重要，不過香味可以話有住畫龍點睛之妙，高手過招之間，可能邊個跑出就視乎邊碗香d。講左咁耐，呢碗麵係冇乜香味的，所以個麵一上，一聞，個印象分大打折扣。湯 (1/5)色澤方面，本身因為呢碗麵打正旗號係做淡麗風，我期望係一碗清澈通透嘅清湯，但實際上，湯色係唔夠通透，如果一定要分佢係清湯，定白濁湯，我偏向認為佢係後者。味道方面，據店提供嘅資訊，佢用左豬骨同雞去煲。我認為豬骨味係主軸，雞味就少少啦。整體味道唔係差，但未至於好味，一般般。而，呢碗湯最大問題係，溫度。嚴重地唔夠熱，雖然我係影相影左兩三分鐘，不過湯嘅熱度未免太低啦。啜個麵之前，係完全不用吹涼少少，就咁食都嫌唔夠熱。記憶點，冇，亦唔夠香。麵條 (5/5)麵條我點左呢道必點嘅手搓麵。响香港，幾十間都未必有一間有提供手搓麵。正因為粗幼不一，麵嘅韌性強，麥味足，呢一碗咁有個性嘅麵帶黎好特別嘅口感同風味。配料 (3.5/5)豬叉燒方面，有火炙過，燒烤香味真係好足，而且肉味非常甘香，幾好喎。不過，塊肉切
📍銅鑼灣渣甸坊48號采怡閣地下5號舖
淡麗醬油拉麵 🍜
$88
7 瀏覽
0 讚好
0 留言
香味 (2/5)
一碗好食嘅拉麵，香味一定要夠香。我個人認為，味道，賣相，口感，故然重要，不過香味可以話有住畫龍點睛之妙，高手過招之間，可能邊個跑出就視乎邊碗香d。講左咁耐，呢碗麵係冇乜香味的，所以個麵一上，一聞，個印象分大打折扣。
湯 (1/5)
色澤方面，本身因為呢碗麵打正旗號係做淡麗風，我期望係一碗清澈通透嘅清湯，但實際上，湯色係唔夠通透，如果一定要分佢係清湯，定白濁湯，我偏向認為佢係後者。
味道方面，據店提供嘅資訊，佢用左豬骨同雞去煲。我認為豬骨味係主軸，雞味就少少啦。整體味道唔係差，但未至於好味，一般般。
而，呢碗湯最大問題係，溫度。嚴重地唔夠熱，雖然我係影相影左兩三分鐘，不過湯嘅熱度未免太低啦。啜個麵之前，係完全不用吹涼少少，就咁食都嫌唔夠熱。
記憶點，冇，亦唔夠香。
麵條 (5/5)
麵條我點左呢道必點嘅手搓麵。响香港，幾十間都未必有一間有提供手搓麵。正因為粗幼不一，麵嘅韌性強，麥味足，呢一碗咁有個性嘅麵帶黎好特別嘅口感同風味。
配料 (3.5/5)
豬叉燒方面，有火炙過，燒烤香味真係好足，而且肉味非常甘香，幾好喎。不過，塊肉切得真係薄左d，味道幾好但口感就麻麻地。
溏心蛋同筍，同菠菜，正常，唔多寫了。
特別想彈一彈 d 蔥。原先見有唔少白蔥，印象係幾好。不過d白蔥成條連芯切，帶相當強嘅辛辣味，而且食完成碗麵，殘留嘅口腔嘅味正正係白蔥嘅味，仲維持左1-2個鐘。我雖然鍾然食蔥，但我認為拉麵入面嘅蔥，作用係提供爽脆口感同清新感覺。呢堆白蔥雖然好爽，不過因為太辛辣，有唔少副作用，清新感覺真係稱唔上。
整體 - 不推薦
張貼
