滿福庭

營業中

休息中

放假陪屋企人飲茶，今次去試觀塘新開嘅一間酒樓，唔算逼幾好坐，而且點心有心思得黎幾好食又特別，價格合理，值得再去。月半彎水晶蝦餃皇🌟蝦餃勁大粒之餘，入面全部都係蝦，食落爽口彈牙，夠哂真材實料。迷迭香芝士蝦春卷🌟好特別用左脆網紙炸，口感更加脆，入面好多蝦好足料，加埋溶咗嘅芝士醬更加好食。九製陳皮叉燒酥🌟叉燒酥好鬆化，咬落有好多層，而且溫度夠熱，整出黎夠哂新鮮，上面有啲陳皮碎，食落意外幾夾幾開胃，一定要試！花膠瑤柱灌湯餃🌟阿媽最鍾意食嘅灌湯餃，大大隻好多料，出面仲有花膠同瑤柱碎。鐵板紙包棉花雞🌟好特別用鐵板上，可以恆溫。棉花雞用錫紙包好上枱先剪開，啲雞汁包哂係入邊，夠哂入味。法式焦糖燉蛋🌟燉蛋細細個，滿足下食甜品嘅胃口。