麺屋こころ (軒尼詩道)

營業中

休息中

上個禮拜喺元朗分店食完，今日嚟灣仔買野，對腳自動導航帶我嚟呢間麵屋。乳白味噌拉麵-油揚，湯底白雪雪，濃郁得嚟帶微微豆香，飲落順喉唔漿口。重點係嗰塊油揚浸到軟綿綿，索晒D湯味，一啖咬落去啲湯汁咇晒出嚟，豆乳味濃到呢…。至於啲麵，自家製嘅麵條麥香突出，掛湯力一流，配湯定齋撈都咁正！ 炸雞皮餃子真係邪惡到犯規！雞皮炸到脆卜卜，包住爆餡肉汁，一啖咬落去「嘶！」一聲，熱辣辣嘅肉汁隨時噴射！食嗰陣記得就住 。其實餐牌仲有好多野都想食，可惜個肚冇quota，留返下次啦。