賞島咖啡屋

營業中

休息中

賞島咖啡屋一入內給人一種休閒舒適嘅感覺，可能因為店內播放着播流行曲，而且店舖座位之間預留不少空位，唔會俾人感覺很密集。而且裝修簡約適合打卡，非常適合同一班閨蜜過嚟閒聊晚飯。本身以為咖啡店主打咖啡茶類飲品，但晚飯嘅食品款式比想像中更多。而且唔止款式種類多，而且食物質素亦都很高。小食叫咗炸雞粒配蜜糖醬，本身以為炸雞粒會比較細小同乾身。但呢度嘅炸雞唔簡子比較大粒，而且個皮脆得來仲保留左裏面嘅肉汁。配合埋蜜糖醬，簡直超越一般咖啡店所製造嘅小食品質。主食方面，點了店家推介嘅花椒蜆肉意粉。蜆肉鋪滿整個碟邊，而且隻隻無沙。意粉亦都同花椒味徹底混和，有一種中西混合菜嘅感覺。第二道主菜點了咖啡燒汁豬髀仔，除咗豬髀這調味適中之外，其他配菜同樣十分出色。尤其欣賞蘑菇同埋薯蓉，蘑菇同埋醬汁嘅調味混合，令蘑菇嘅味道進入另一層次。黎到咖啡店點可以唔點返件甜品同蛋糕呢？Apple crumble 蛋糕永遠都唔會令人失望。有粒粒蘋果配上焦糖嘅味道，係呢個晚餐完美嘅總結。飲品方面，柚子梳打給人感覺清新，最適合喺炎炎嘅夏日點返杯，令人有透心涼嘅感覺。當日見到唔少人點二人餐，二人餐真係十分抵食，下次一定會再來點！