嗦爸螺螄粉

營業中

休息中

嗦爸螺螄粉$46 啱啱好今日黎食到新菜單！其實螺絲粉唔臭，返而個湯底好好味。尤其是啲炸腐竹浸咗落湯底度淋淋地又朔晒個湯底，浸一陣有啲位仲係脆嘅。嗦爸牛魔王$98個麵有牛展、彈牙牛筋丸、胸爽油、安格斯肥牛。好豐富！湯底鮮味得黎又有牛嘅肉香味。霹靂炸豬手$35 依個真係必叫！老板好貼心咁有送埋一小杯果醋去清一清口腔螺螄粉嘅味。豬手炸得好酥脆，但係有冇炸得太耐，入邊仲係好多肉汁。豬手微微辣，令人食得好惹味。伴住豬手嘅炸腐竹，簡直可以當薯片咁樣食。因為佢係新鮮炸，所以炸得好酥脆。一塊塊咁樣食好適合用嚟一邊煲劇一邊食。一口牛$20一口牛串燒除咗牛柳粒之外，仲有甜青椒。一口牛用咗椒鹽調味，食落去辣辣地，又有甜青椒嘅甜味。椒香海鹽胸爽油$38 雖然食嘢唔知係豬嘅邊一個部位，但係佢一塊塊咁樣炸，每一塊嘅表皮邊邊位都係炸得好脆。有啲似食豬頸肉，但係食落去油香充斥着成個口腔，好滑。撈汁小海鮮$88 夏天嚟食嘅朋友就一定要叫呢一個。佢有青瓜絲、洋蔥絲、檸檬片、青檸同埋子薑。好fresh，而且冰鎮嘅青口、大蝦、鮑魚好清新。