影片
更多
2022-09-04
2052 瀏覽
食雞煲火鍋除左去連鎖店，有好多小店一樣值得支持，喺元朗Yoho附近既「再來一煲」就係其中一間，食過幾次，每次都keep到水準，無令我哋失望。雖然位置喺後巷內唔顯眼，但因為食材靚服務好所以我地都一食再食😋。黎到一定要試係 #招牌魔鬼雞煲，大大煲好多雞，店員話係用咖喱醬一齊炒，味道勁香辣勁惹味，最喜歡佢辣中帶甜，令辣味唔會過於搶喉，又食到雞既鮮味。配料仲有魷魚、雲耳等，好足料，份量又多，4-5個人都夠食。我地另外點多幾隻鮑魚加入雞煲一齊炒，韌度十足既鮑魚口感嚼勁十足，結實又彈牙，加雞煲炒都無蓋過鮑魚鮮味，推介👍食完雞煲就到火鍋啦，配料選擇極多，喜歡吃肉既一定要試下招牌 #牛魔王拼盤，一碟試齊唔同牛既部位：牛吊龍，牛小排、牛胸油，牛臉頰、封門柳、牛舌、牛筋丸。#牛小排 當然最岩一家大細口味，油花分佈全片牛肉，入口稔滑又有口感。#封門柳 相對瘦啲，嚼勁十足，肉味更見香濃。#牛胸油 最特別，唔好睇佢好似好肥咁，其實食落一啲油膩感都無，仲好爽口添。愛食豚肉可以試 #豬八戒拼盤 有五層白肉片、黑毛豬肉片、豬腳筋、肉眼爽和豬潤。#豬腳筋 膠質豐富，好養顏；#肉眼爽 有啲似豬頸肉，爽口肉味香濃。除左肉類
雖然位置喺後巷內唔顯眼，但因為食材靚服務好所以我地都一食再食😋。
黎到一定要試係 #招牌魔鬼雞煲，大大煲好多雞，店員話係用咖喱醬一齊炒，味道勁香辣勁惹味，最喜歡佢辣中帶甜，令辣味唔會過於搶喉，又食到雞既鮮味。配料仲有魷魚、雲耳等，好足料，份量又多，4-5個人都夠食。
我地另外點多幾隻鮑魚加入雞煲一齊炒，韌度十足既鮑魚口感嚼勁十足，結實又彈牙，加雞煲炒都無蓋過鮑魚鮮味，推介👍
食完雞煲就到火鍋啦，配料選擇極多，喜歡吃肉既一定要試下招牌 #牛魔王拼盤，一碟試齊唔同牛既部位：牛吊龍，牛小排、牛胸油，牛臉頰、封門柳、牛舌、牛筋丸。
#牛小排 當然最岩一家大細口味，油花分佈全片牛肉，入口稔滑又有口感。#封門柳 相對瘦啲，嚼勁十足，肉味更見香濃。#牛胸油 最特別，唔好睇佢好似好肥咁，其實食落一啲油膩感都無，仲好爽口添。
愛食豚肉可以試 #豬八戒拼盤 有五層白肉片、黑毛豬肉片、豬腳筋、肉眼爽和豬潤。
#豬腳筋 膠質豐富，好養顏；#肉眼爽 有啲似豬頸肉，爽口肉味香濃。
除左肉類，一定要試係 #即炸響鈴，上菜時仲熱辣辣，超鬆化和酥脆，就咁食都好惹味。豆腐紙只需烚一下，就會變淋，口感似腐竹咁香滑。
飲品有 #珍寶檸檬茶，咁大杯唔洗慳住飲，打邊爐先夠爽！
喜歡再來一煲除了食材新鮮又特別，仲有貼心既服務，店員會不時幫手清除湯面的油，令客人食得輕鬆，一定會再來。
張貼
