Trendy Snack

營業中

休息中

位於天水圍嘅呢一間小食店，價錢都算唔錯，飲品選擇都算幾多，今次就叫咗佢嘅布甸奶茶。呢度環境都算幾闊落，可以買完小食之後企喺側邊食。嘢飲好快就有啦，望落去有啲似港式奶茶嘅顏色，味道就中規中矩，茶味唔算太濃，但係又唔會有啲好假嘅味道。布甸份量普通，如果再多啲就好啦。值得一齊嘅係佢哋真係有少甜，因為好多手搖店都係偏甜，但係佢哋就冇呢個問題。總括嚟講呢間嘢都算OK嘅，響冇咩手搖飲品店嘅情況之下，都可以一試嘅。但係就唔好對佢有太大期望啦。