我也愛你咖啡館

營業中

休息中

作為三個細路既娘親，陪完其中一個排政府啲專科門診覆診後，想搵個位靜一靜抖下氣，就揀左嚟阿嬸既Cafe。本身係上水街坊，所以喺初始店就認識老闆，對於佢營運理念等都有好多傳媒訪問過，超有心既一位香港人，一定要去多啲支持。Cafe環境走文青風，非常Chill非常適合放鬆。位處大埔中心，主力係街坊客同特意嚟既捧場客，我試過就算爆場時多人一齊講嘢，都只會覺得熱鬧，而唔似中式酒樓既嘈雜。個人最愛下午時間嚟坐，太陽西斜照住梳化位置，捧住一杯黑咖啡或茶，聞住啡香或茶香既感覺非常放鬆。如果週末嚟都建議Book位，Walkin好有可能等好耐。