我也愛你咖啡館

第一次踩單車去大埔，發現呢間餐廳！起初係比佢個名吸引咗～首先係員工熱情有禮嘅服務態度令我毫不猶豫就入去坐低咗😂 跟住望住份好有特色嘅報紙menu,同埋一大幅心心牆寫滿不同語言嘅「我也愛你」，就選擇咗坐出面❤️環境舒服，乾淨！由於係食下午茶嘅胃，所以揀咗平時出面整都比較細份嘅牛油果酸種包＆卡邦尼意粉（冇咩餸食！）點知一上菜😍牛油果水波蛋酸種包：超大塊酸種包，毫不吝嗇嘅牛油果醬配上兩個水波蛋！沙律可以換薯條！份量一啲都唔似下午茶！卡邦尼意粉： 一上枱賣相已經好吸引，鋪滿晒煙肉！ 滿滿嘅芝士，味道濃郁，根本一碟就係二人嘅份量！兩個人都係下午茶嘅胃，最後食到好飽，晚餐都唔使食！😂😂😂好食！環境舒服！打卡👍🏻👍🏻不過我詞窮，唔知點形容可以講到我對呢間餐廳嘅喜歡🫠🫠會再帶朋友去食😍佢仲有扒類嘅食物～下次會試吓晚餐時間嚟！食多啲其他款式嘅嘢🤤試噻啲美食！…查看更多

參觀完鐵路博物館就嚟到大埔藝術中心嘗試 我也愛你咖啡館。咖啡館其實位於藝術中心正門外面左手邊。我哋第一次嚟因為見到《醬料祭》還以為外面是市集。但原來是咖啡館連同本地唔同嘅醬料公司舉辦嘅醬料活動。入邊嘅環境主要係落地玻璃，加上好多木材嘅傢俬，裝淨金嗰啲陽光充足，成個感覺好舒服。天花板好sweet咁有一串花卉做裝飾，個感覺其實好似去咗泰國啲Cafe。有一刻覺得其實香港嘅Cafe如果地方夠大，其實都可以好適合打卡。因為啱啱已經食咗早餐冇幾耐所以只係嗌咗一個main course +一個brunch menu嘅fruit French toast+一個小食。大澳鹹魚茄香蝦意粉首先要講如果嗌意粉一定要share，份量超大，眼見其實每一枱一個意粉都係預兩個人食。 味道雖然話係鹹魚但係唔會超鹹，唯一其實我以為會多啲蕃茄同茄香味，反而係多咗好多八角，我覺得份量有啲多，同埋比較鹹。我自己覺得蕃茄同八角嗰份量掉轉會適合些。Mixed Berry French ToastFrench Toast個texture冇得輸，蛋漿超夠，味道唔會死甜，不過自己自私會希望有少少糖粉會更加帶出生果同toast個甜味同colour。 如果聖誕節呢個toast有糖粉應該會超應節同festive。橄欖油西班牙青椒仔呢個係因為佢本Menu周邊嘅intro 介紹所以想嘗試吓，放棄平時一定要嘅沙律菜。完全唔會後悔，不過如果三四個人share食應該會適合晒。因為每一條青椒仔都幾大條。食完都有去幫襯買咗兩款果醬返屋企試吓，其中一款仲要係香港人2020年Artisan Marmalade Awards 得金牌嘅果醬。最後，想讚吓咖啡館入邊嘅職員全部都好welcoming。有陣時去一啲遠嘅地方嘗試新餐廳，侍應嘅笑容同態度都真係好重要。我哋由餐廳一刻，確認咗我哋冇book位，都安排一張大枱及講明要share和幾時還枱（起碼有兩個半鐘享用時間，但係本身應該係冇限時），好清晰。 我哋有食物嘅配料問題，立即便答出食物嘅內容。以及當我哋出去睇佢哋舉辦嘅小型醬料祭，都係問有所答，同埋好歡迎客人試食，都係俾人嘅感覺好清楚咖啡館嘅所有內容。香港真係有很多好有心嘅咖啡館等人去發掘。今日嚟到 大埔 我也愛你咖啡館 成個體驗都好好。已經心思思好想再去嘗試佢哋其他食物。…查看更多

在大埔的「我也愛你咖啡館」，我最近品嚐了他們的招牌菜——大澳鹹魚茄香蝦意粉，實在令人驚艷！這道菜不僅色香味俱全，還讓我感受到濃厚的港式風味。意粉煮得恰到好處，口感滑順，與鹹魚和蝦仁的搭配相得益彰。鹹魚的獨特香氣與茄汁的酸甜相融合，讓整道菜更加豐富。蝦仁鮮嫩多汁，每一口都讓人忍不住想要再來一口。餐廳環境悠閒舒適，適合朋友聚會或獨自放鬆。服務人員也非常友好，讓用餐體驗更加愉快。總的來說，「我也愛你咖啡館」的這道大澳鹹魚茄香蝦意粉絕對值得一試！如果你在大埔，千萬不要錯過這道美味的意粉，保證讓你回味無窮！…查看更多

大埔隱世高質cafe❗️餐廳使用香港本地食材，從農場到餐桌🌷每一樣食物都很好吃😍而且食物的做法亦特別🍭店內環境舒服，空間感充裕，店內的佈置充滿藝術氣息🦋店內近收銀處擺放了一些本地藝術家設計的Postcard、精品，亦有一些本地製作的調味料、乾花售賣，彷彿去了小市集般✨推薦大家放假與三五知己、家人、朋友、情人到來好好享受假日的美好時光🩷-#footage_hongkong #hongkong #hongkongrestaurant #hongkongcafe #cafe #taipo #chinesecuisine #chineserestaurant #hongkongtaipo…查看更多

星期日一家三口 中午12點開門 12:15 已到達餐廳 店員表示沒有預約 就唔會提供位置即使排隊等 最少半小時我表示願意等5分鐘後 一位年青女店員表示我哋有下一輪Booking亦唔會安排座位態度非常無禮及惡劣現場餐廳一半是沒有人坐…查看更多

與朋友敘舊打牙骹，近幾年都幾難揀，要搵到好食，又坐得耐嘅都真係唔容易而10分推薦呢一間個名sweet而嘢食又好味嘅餐廳。水蜜桃burrata 十分清新，作為前菜非常開胃！炸粟米球10分可愛，口感亦非常豐盈和美味！作為店內signature, 蝦醬意粉雖有特色，但味道不算吸睛反而青醬羊架有驚喜！飲品方面，嘗試了苦瓜沙冰，清爽而解膩！…查看更多

今晚在這裏用餐，食物其實不差，雖然服務欠奉，服務員易不懂得為客人分course（我們點了兩個頭盤和兩個主菜，正路應該是客人吃完頭盤才上主菜，但主菜在毫無預兆下已上枱），價格不太貴，但我對這裏的衛生情況感到極之憂慮。我們在用膳期間發現有曱甴在我們的枱底，尤其是我們對曱甴感到恐懼。一位疑似當值男經理當場把曱甴殺滅，但我們的心情已經感到不安，連甜品也沒有吃便急急埋單。到櫃位埋單的時候和男同事表達對衛生情況的憂慮，但是男同事只是說因為在室外地方進行通渠，所以會時有機會看到曱甴。但看來他不理解，這個衛生的concern其實不應該由客戶承受，問題應該是餐廳方面要加緊進行檢查和清潔，而不是由客人在惶恐下用餐。為了食物，我絕對不介意再次光顧，但衛生和態度問題卻令我相當猶疑。…查看更多

今次黎到一間位於大埔藝術中心入邊充滿溫馨浪漫氛圍既特色咖啡店食午餐，店內提供手工咖啡、精緻甜品同創意餐點，文藝裝潢適合放鬆或拍照打卡，深受顧客喜愛。🌟大澳咸魚茄香蝦意粉$168真係視覺與味覺既雙重享受！每一啖都充滿濃郁的咸魚香氣，茄香的酸甜平衡得恰到好處，配有新鮮彈牙的蝦肉點綴，讓整道菜更添豐富層次。份量十足，滿滿一大碟，既飽眼又飽肚，真係唔可以錯過既美味佳餚！🌟脆脆先生·火腿芝士三文治配薯條$118外層烤得金黃酥脆，內裡有濃郁芝士和香嫩火腿既完美結合，搭配香脆的薯條，簡單卻滿足，絕對係愜意餐點既首選！…查看更多

食物很ok,青醬很香很標準的一個意粉，南瓜意大利飯調味剛好，蟹餅配蘋果沙律很有驚喜兩者好夾，粟米波波就係標準嘅粟米很甜但未到非點不可，為gimmick打個卡貪新鮮可try try~最最驚喜係黑毛豬，七成熟仲透住粉紅色，入口嫩滑，肉的油香， 脂肪比例剛剛好， 襯埋蘋果用加薯蓉，正!甜品每款都合格以上，唔怕中伏， 視乎大家個人喜好。晚餐環境燈光差一點氣氛，而且餐桌的衛生有待改善，不知為何黏黏的，加上夏天中央冷氣不太ok,一邊吃一邊流汗。幸好食物很ok,所以算是抵消了這些不完美，為了好吃的還是值得一去。但當然環境按這個消費金額絕對有很多選擇，所以還是有改善的必要。 改埋就完美~ …查看更多

經過兩次覺得環境很好，Walk in行入去食兩次都話要book枱冇位，我就唔忿氣即刻就book咗來食。😌蠔湯-一點也不腥，有蠔鮮味，好味、好creamy👍🏻白酒蜆肉意粉-第一次喺餐廳食蜆肉意粉，蜆肉仲多過意粉，可以一啖蜆肉一啖意粉咁食😍蜆肉新鮮，粒粒都冇沙，如果鍾意食蜆嘅人一定要來試😝卡邦尼意粉-非常正宗、每一啖意粉都有蛋同芝士、非常濃郁。煙肉又不會太鹹、鹹味適中。Flat White -很香的咖啡味、奶份量啱啱好🥳不過沖咖啡時間比較耐等咗半個鐘🧐總括而言，環境不錯，食物質素也好下次都會book枱來食…查看更多

千層脆薯是這裡的一道小食，外表金黃酥脆，口感十分吸引。薯條的製作過程考究，將薯仔切成薄片層層疊起，炸至完美的酥脆。每一口都能感受到薯仔的香甜與酥脆的口感，特別是搭配的荷蘭汁，帶有微微的酸味，恰到好處地平衡了薯條的油膩感。香脆粟米球是另一道讓人驚喜的小食。每個粟米球外層炸至金黃，大小幾乎與成人拳頭相當，內裡則是飽滿的粟米粒，香甜可口。最特別的是它搭配的本土芝士醬，這款醬汁以腐乳為基底，鹹香的味道與粟米球的甜味形成了完美的對比。白酒蜆意大利粉是這裡的招牌菜之一，面上滿滿的蜆肉每一口都鮮美無比。意粉的軟硬度適中，吸收了白酒的香氣，整體味道層次分明。蜆肉的新鮮感瞬間在口中爆發，海鮮的鮮味與白酒的香氣交織，讓人陶醉不已。…查看更多

無book位需要門外等候，約30-45分鐘，期間有staff派凍水！整體感覺都期待！白酒蜆意大利粉🌟🌟-見到每枱必叫，賣相靚，大大碟但味道好普通，似白烚蜆，水煮意粉，係意粉口感彈牙，無咩味道，成碟水。有點失望！香脆粟米球🌟🌟🌟🌟-味道特別，口感香脆，粟米甜，配上本土芝士醬，但感覺更似有腐乳味，解膩一流！千層脆薯荷蘭汁🌟🌟普通，醬汁偏淡，愈食愈膩。但如人多share, 一試無妨服務🌟🌟🌟漏單，但上菜速度良好。如叫手沖咖啡，店員會細心介紹。…查看更多

我覺得絕對係一間值得由大西北去大埔食嘅Cafe🍳佢位於藝術中心，成件事都真係好藝術好多款食物嘅做法都未試過，而且真係好食，好多食材好似農產品同埋魚都係來自本地，仲要都真係好食！🐟煎封本土原條石䱽魚 史拉差白酒牛油$298🐠其實我本身唔係好好魚，呢條煎石䱽魚，唔好睇佢扁扁咁，佢都幾多肉，而且一啲都唔腥，表皮煎得香香，又唔會好油，嗰個汁好特別，有少少辣有少少芝士嘅感覺，好香濃，佢仲配埋啲麵包俾你哋，🥖麵包都堅好食，作為唔食魚嘅人真係超級欣賞呢道菜🍝卡邦尼意大利粉$128👶🏻相對地冇咁有創意，不過因為有小朋友，所以都照叫你食吓啦，卡邦尼意粉好容易放得耐少少就乾，但係佢一啲都唔會，啲汁夠濃得來仲keep住唔會乾，呢件事都幾神奇，味道又香又惹味，意粉硬度都乾好🍕坎塔布里 亞鯷魚柳披薩 $188🐟佢唔係傳統嘅Pizza，佢特別嘅地方在於嗰條魚柳，阿妹話係鹹魚，我以為係雪藏一嚿嚿嗰啲魚柳，點知佢成條上，比起煎魚佢比較有魚味，不過唔係太大嚿，所以我都接受到，配樂酸酸地嘅Pizza度有幾特別🌽香脆粟米球本土艺士醬 $68🧀呢個粟米球絕對係我超級驚喜，超級喜愛，每台都必要嘅粟米球，比起初以為係粟米片？又或者少少粟米，點知佢係超級大個球，滿滿都係粟米，佢唔係得個表皮，🌽佢係成舊都係粟米，粟米粒甜甜脹卜卜，又係說不出的好味，未試過嘅味道。🥔千層脆薯，荷蘭汁 $62一層層嘅脆薯，輕輕輕厚得來又唔會太Heavy，真係有一層層嘅感覺，但係又唔會好乾，又係喺第二度未食過嘅味道同口感，🧀至於荷蘭汁就有少少似芝士嘅感覺，非常之惹味，🥖我之後仲用麵包點嚟食添🤤整體真係超級推介，環境亦都舒服…查看更多

之前睇電視節目有介紹呢間餐廳, 上 openrice 睇下 comment, 又見到評價5錯, 於是的起心肝whatsapp 訂座, 跟住店家就whatsapp 條link 俾我去訂座, 其實都算方便, 但如果可以係 openrice 做網上訂座會更便利~當天去到見到有一張枱是2枱客人共桌, 但我又見到有D 2人可以坐4人枱, 不用跟其他人搭枱, 我……估計有訂座的就不用搭枱吧~餐廳環境係幾舒服, 樓底高, 裝潢樸素, 枱與枱又5係太貼, 無用餐時間限制, 加上員工態度誠懇又有禮貌, 讓顧客享受用餐的愉快心情~我地3條友叫咗3個 dishes :1. 大澳鹹魚茄香蝦意粉 ($168) : 呢個係 signature dish, 差不多每枱都叫.  份量適中, 意粉落咗鹹魚蓉炒, 微辣, 橄欖鹹度OK, 蝦有11隻, 哈~~ 我覺得成碟意粉幾得意, 用鹹魚蓉去炒, 食落去又幾惹味2. 香炸粟米球 ($68) : 我見食評好多讚, 所以又叫來試下~ 2個大粟米球, 全個球都係粟米, 配上一抹腐乳醬, 真係好盞鬼! 呢道菜熱食好味D, 因為有部份我們放在最後吃, 感覺遜色了……….3. 脆脆先生 ($118) : 呢個係芝士火腿三文治配薯條, 無蛋嗰隻~ 麵包係厚切, 焗爐烤完後係脆口, 但內里仍然鬆軟. 配上沙律菜和薯條, 幾好~~呢間餐廳環境和食物質素都幾好, 今次我選對了~~…查看更多

大埔隱世寶藏‼️ 這間西餐廳使用香港本地食材，從農場到餐桌🍅驚艷你的味蕾✨🥩 牛扒 × 太陽蛋 | 鐵板上的交響詩鋒利的餐刀劃開溏心蛋的瞬間，金黃色的蛋液如熔岩般緩緩漫過厚切牛扒的肌理。🥔 千層脆薯 × 荷蘭汁 | 罪惡金字塔現打的荷蘭汁帶著檸檬的清新傾瀉而下，在酥脆的薯塊間隙形成誘人的瀑布。🌽 香脆粟米球 × 本地芝士醬 | 脆爆小太陽輕盈的脆粟米，點睛之筆是新鮮調制的芝士，這是一道必點的菜式。🍝 青醬意大利粉 | 港式田園詩羅勒的翠綠、撲鼻的清香、麵條的彈韌與日曬蕃茄乾的酸甜交織，入口濃郁卻毫不膩口。🥑 吞拿魚藜麥牛油果撻撻 | 海洋與大地這道融合了日式刺身與西式健康飲食概念的冷盤料理，層次豐富、口感多變，既適合作為開胃前菜，也能當作輕食主餐。☕ 青檸湯力咖啡 | 醒腦特調咖啡撞上新鮮青檸，湯力水的氣泡在杯中升起一串串「味覺驚嘆號」，比香港的夏天還要來得刺激醒神。…查看更多