楚撚記大排檔 (寶光大廈)

營業中

休息中

聽過呢間嘢好多次，今次終於有機會嚟試吓。本身行到佢門口都真係嚇一嚇，因為部等位機話要等最少60分鐘先入座，我哋拎咗張飛係六人枱，要等四至五張枱，但係點知等咗大約5分鐘就有得入去，有啲驚喜。行到入去個環境係好乾淨好整潔，同埋啲位好闊落，同隔籬枱個距離都好大。食物選擇就真係好多啦，好似啲大排檔咁真係應有盡有。每一個餸來講都唔算係特別好貴，有啲招牌菜就係120至$130度，其唔係招牌菜平啲嗰啲$70至$90都有交易。佢啲份量都算係幾大下，食物就好有鑊氣，一大班人食真係一流。