德美壽司 (裕民坊YM²)

營業中

休息中

觀塘站行幾分鐘嚟到裕民坊，發現呢度嘅食肆唔算多，行到三樓見到一直都未有機會試嘅壽司老店《德美》！舖頭面積大，坐落闊落舒服。覺得散叫有點貴，但呢度有好多唔同款式嘅魚生丼同定食可以選擇，套餐會跟埋麵豉湯、沙律同甜品，抵食又飽肚。每次食日本野都鐘意叫吞拿魚蓉。《吞拿魚腩蓉三式丼》有新鮮既吞拿魚蓉鋪滿左成個丼飯，中間係兩塊厚肉帶子、海膽同埋三文魚籽😍成個配搭勁吸引，係鮮甜嘅選擇；而《三式魚生丼》 就有三文魚、油甘魚、帶子，蟹籽，仲有一粒溫泉蛋鋪面🥚，材料豐富。我地食既魚生色澤都幾靚，唔會係放耐左變褐色既食材，新鮮度同水份都足夠。溫泉蛋汁加埋Wasabi豉油撈壽司飯，令到每一口都話滑溜有蛋香，呢個食法都幾好食架。🐟跟餐嘅甜品係少見芝麻糕，唔會太甜太滯，真係有芝麻香氣，係最後既一個小點綴。