影片
更多
2022-11-27
92 瀏覽
食過幾次lab eat都幾滿意，作為生日月嘅前哨戰，約埋朋友黎食餐好嘅。先黎一杯welcome drink，熱情果梳打清甜濃郁，味道天然、甜度岩岩好，好飲到想order返一大杯黎飲。Blue Mussels簡單用白酒煮已經好鮮甜，青口煮得岩岩好，大隻得黎好嫩滑，我鐘意佢清潔得好乾淨，唔會食到成口草。 底下嘅汁好似熬左做青口湯咁，忍唔住狂飲，用麵包點汁好開心。熱熔芝士沙律淨係睇店員拎住原塊芝士，將熱熔嘅部份刮落去果下已經值回票價。 沙律用料都幾豐富，有蘆筍、生菜、椰菜花、蕃茄仔、薯仔、辣肉腸同火腿，全部都好新鮮，芝士份量十足，同配料比例近乎一比一，岩哂追求每一啖都有啖啖芝士嘅芝士控。豬鞍罕有地有兩大塊，夠厚、切開見到淡粉紅色，基本上唔食都知成功左一半。 豬鞍嫩滑有肉汁，有肉香味，唔洗配蘋果蓉已經好夠味。 配菜有南瓜同番茄乾都好得我心，尤其油漬番茄乾夠香濃，其實就算唔加個組合已經好完整，所以更加欣賞廚師嘅不惜工本。
先黎一杯welcome drink，熱情果梳打清甜濃郁，味道天然、甜度岩岩好，好飲到想order返一大杯黎飲。
Blue Mussels簡單用白酒煮已經好鮮甜，青口煮得岩岩好，大隻得黎好嫩滑，我鐘意佢清潔得好乾淨，唔會食到成口草。 底下嘅汁好似熬左做青口湯咁，忍唔住狂飲，用麵包點汁好開心。
熱熔芝士沙律淨係睇店員拎住原塊芝士，將熱熔嘅部份刮落去果下已經值回票價。 沙律用料都幾豐富，有蘆筍、生菜、椰菜花、蕃茄仔、薯仔、辣肉腸同火腿，全部都好新鮮，芝士份量十足，同配料比例近乎一比一，岩哂追求每一啖都有啖啖芝士嘅芝士控。
豬鞍罕有地有兩大塊，夠厚、切開見到淡粉紅色，基本上唔食都知成功左一半。 豬鞍嫩滑有肉汁，有肉香味，唔洗配蘋果蓉已經好夠味。 配菜有南瓜同番茄乾都好得我心，尤其油漬番茄乾夠香濃，其實就算唔加個組合已經好完整，所以更加欣賞廚師嘅不惜工本。
張貼
