牛站(駅)麻辣火鍋放題

營業中

休息中

試過唔同嘅火鍋放題，始終覺得牛站最好。試過牛站唔同地方嘅店舖，始終覺得觀塘店最好。結論就係我響牛站觀塘店已經食過唔知幾多餐！😂今次係食2號餐，貪佢有牛又有海鮮，湯底就叫咗胡椒豬肚湯。湯好鮮味，胡椒夠香之餘又唔會太辣，淨係飲湯已經好暖肚。2號餐嘅幾款牛肉都唔錯，有驚喜嘅係個魚片都好鮮味，另外各式蔬菜都好新鮮爽脆，食多啲感覺都健康啲！除咗火鍋，佢啲小食都幾出色，例如鹽酥雞就做到熱辣辣又脆又香，送啤酒一流。最後當然唔少得甜品，除咗有馬卡龍、布甸、軟雪糕，竟然仲有好少見嘅Movenpick雪糕嘅椰子味，幾飽都要食埋佢！