餃掂手工餃子雲吞專門店

人在中環食咩好？呢間餃掂真心掂望落去好似唔算平，不過一食就知咩事隻隻爆涵，勁足料，調味啱啱好唔多味精强力推介松茸素餃🥟豆苗塞到爆曬，中間夾雜住松茸有陣微微嘅苦味，用個苦字好似好嚇人？係松茸獨特嘅味道，真係好正㗎！呢度所有餃子可揀放湯或煎印象中煎係貴幾蚊，都啱嘅，考功夫隻隻都煎得幾靚，夠脆口，冇燶曬今日係煎得油左少少嘅，冇咁油會開心啲松茸餃係佢哋特產，真心推！用料同價錢成正比，貴啲係正常佢哋都有啲平民啲嘅口味嘅椰菜雲耳豬肉，呢個我覺得都正因為椰菜同雲耳都幾爽口呢款比平時食到嘅餃子多左陣清新嘅口感枱面嘅調味架建議大家都要留意下麻辣醬油，豆豉菜脯，陳醋等各有千秋，可以令一款餃子食落有唔同感覺我係辣油fans，加陳醋兩溝，正到爆炸🔥仲有餃子以外嘅小食例如麻醬四川涼麵，酸辣雲耳等等都幾好食㗎👍🤤