成都老碼頭火鍋 (已結業)

如果問我香港有邊間打邊爐係幫襯完仲會繼續去嘅，我諗我會答呢間成都老碼頭。位於豪華戲院附近，話近又唔算近地鐵站嘅成都老碼頭，不過我係搭巴士過黎所以好方便就腳，哈哈。今次因為同呀媽食嘅關係，所以唔會叫辣嘅湯底，於是我就嗌左個養顏花膠雞湯(半隻雞)，等水滾左之後，就可以飲返兩碗湯先，而啲花膠份量都好多，但我偏向等啲花膠煮耐啲先食會好啲。呢一兜係台灣嘅水蓮菜，食落係好爽脆，又易食，唔會有草青味，或者係唔帶咩味道，但係口感幾好，食落唔錯，未試過都可以試下。1打邊爐嘅例行就係嗌到成枱野啦，哈哈。呢一碟牛就係極品Prime手切肥牛，睇下啲雪花紋路係幾咁細緻清楚，好靚仔，已經流哂口水。當中我都嗌左三款半份嘅丸類，其中我最欣賞嘅就係個糖心芝士魚蛋，因為呢樣野比較獨特同埋好好食嘅，相信小朋友係好鍾意食，因為佢係芝士流心帶甜嘅。而一口牛柳粒都係食得過嘅選擇，真係細細粒容易食，又重牛味，不得了。最後都係時候拎返啲花膠黎食先再飲多碗湯，其實好多人都會驚拎哂啲野落去煮，煮完之後再飲返碗湯會唔係個隻味，但呢個湯底唔同之處係佢落哂野之後再飲返係好飲左嘅，可能因為落左牛牛，有牛牛嘅加成之後，啲味道層次都升哂級。所以呢間