茶記研究所

營業中

休息中

今晚又加班到咁夜，一個人住真係好懶得買餸煮飯，尤其係要加班到好遲，就隨便搵地方解決晚餐算啦。喺搵嘢食嘅路上發現咗呢間餐廳好似新開嘅，仲好光猛，而且人客都幾多，我就入去睇下係賣咩嘅。睇咗餐牌先知道原來呢間係新式茶餐廳，難怪名叫【茶記研究所】，了解之後先覺得好得意😂店員都係後生仔，都幾有禮貌，見我一個人就即刻安排位畀我。入面嘅裝修亦都好光猛乾淨，一啲都睇唔出係茶餐廳。但係一睇餐牌就明白老闆係個懷舊人，賣嘅都係經典茶室嘅食物，好有反差感。😌Menu有好多選擇，有好多我都想試，但可惜我只得一個胃。最後我揀咗：鷄扒鐵板餐，套餐同老式嘅茶室一樣配有餐湯同餐包。鷄扒煎到焦黃誘人，個頭都幾大，薯條都俾鷄扒蓋住喺下面。一端上嚟我就迫不及待想開餐啦🤤 再配上黑椒汁，一啖落去，呢個就係我印象中細個嘅味道！餐湯我揀咗羅宋湯，呢個係我細個最鍾意嘅！湯有住非常濃郁嘅番茄味，番茄軟爛，仲有加入洋葱之後嘅甜味，飲落去成個身體都暖晒。凍檸茶就冇乜特別啦，但係茶香都算濃，仲有加點檸檬同蜜糖一齊搭配，酸酸甜甜好好解渴。食物同飲品都非常唔錯，都係經典嘅香港美食，非常推薦大家嚟呢度試下！