野見拉麵

營業中

休息中

雞白湯夠黏、creamy，味道唔會嗆喉，越食越有味。雞白湯嗰碗嘅溏心蛋非常好蛋黃味道濃鬱，流心程度非常之好叉燒係原味薄切嗰種，有肉味。雞胸肉非常好。十分軟熟，一啲都唔鞋口。軟熟程度有驚喜，雞肉味濃。拉麵就質地煙韌，不過唔掛湯。有一點係抵讚嘅。師傅係落湯之前有用水溫煮過隻碗，上菜時湯非常之熱，值得一讚。醬油湯夠濃鬱，好夠味，我個人嚟講稍嫌鹹咗少少。今次一人食咗兩碗，個人比較喜歡雞白湯>醬油湯。現場所見就比較少人食雞鹽味，有機會試下先。雖然舖頭細細，但係都算坐得闊落舒服。現場人龍唔算太長，但係因為獨食，一位所以有得入先。