牛摩 (屯門時代廣場南翼)

營業中

休息中

天氣開始轉凍，打邊爐真係啱曬。行過呢間火鍋放題餐廳，畀佢嘅裝飾及套餐吸引咗。餐廳主打熊本牛，套餐級數由LV. 1-6，價錢豐儉由人。湯底總共有9款選擇，門口揀咗套餐同湯底後就可以入座。揀咗LV. 2 精選牛肩胛套餐，湯底揀左咗美人骨膠原白雞湯同麻辣鴨血鍋，一人一鍋夠曬滋味。餐廳中央位置係自助區，提供超過30款火鍋配料及多款不同食品，包括有各式配菜例如；丸類、魚腐、粉麵等，仲有唔少熟食如壽司、沙律、響鈴等等。飲品分別放於三個大雪櫃內，檸檬茶、無糖茶、汽水及其它飲料都應有盡有，呢度嘅乳酪雪糕真係不妨一試，北海道低脂乳酪奶味濃郁，好開胃。仲有好多其他款式嘅甜品，例如：新鮮爆谷、泡芙同糯米糍，選擇都唔少。總括而言，呢度絕對係一個令你食得盡興嘅地方。無論係牛肉、海鮮、肉類抑或配料，都總會有你想食嘅食物，鍾意日式火鍋放題不妨一試。