大戶川·小火鍋 (已結業)

最近經開黃埔發現有新開嘅韓國火鍋店，餐廳係採用一人一小火鍋，每人可揀自己喜歡嘅湯底，仲有餐廳係今年1月份先新開張，裝修極新，感覺時尚，環境寬敞舒適，另外見到有機械自動送餐服務，感覺現代化。嚟睇吓餐牌，有10款火鍋套餐，湯底包括四川麻辣、老壇酸菜魚、薑母鴨、泰式冬蔭功、大戶豬骨、花膠、蕃茄龍蝦、無激素地活在沙巴島魚、韓國麵豉及日式壽喜燒，套餐會包埋限定配料、泡菜和稻庭烏冬，另有多款火鍋配料可單點，仲有雪花冰、牛角包窩夫及多種飲品。自助區有白飯、米線、醬料、水等，依啲都可以任食任飲。無激素地活在沙巴島魚湯湯底    $118見到無激素，第一時間就揀咗，感覺自然又健康，同埋喜歡用魚做嘅湯底。跟餐配料有牛五花、沙巴龍躉、魚片頭、雲吞、自家炸腐皮、粟米。一人一小鍋都幾方便，呢個湯底奶白鮮味，香氣四溢，配料食材新鮮  ;  將配料及烏冬燙一燙，吸收晒魚湯底的精華，食起上嚟更鮮甜更好味。薑母鴨湯    $128女仕經常手腳冰冷，最好就飮啲滋補湯水，薑母鴨湯就最適合啦！湯底帶點甜味，薑味夠重好香，有少少酒味，配合套餐料羊肉片、安格斯肥牛、雲吞、鴨血、白栢葉、粟米，同樣都係配烏冬同泡菜，食材新鮮，吸入薑