築間幸福鍋物

今日星期六，我同朋友去咗旺角一間樓上嘅火鍋店，聽講呢度嘅set lunch好抵食，仲有任食任飲嘅飲品同甜品，真係好吸引！我哋選咗279 set，首先叫咗一個昆布清湯，另外仲有鎮店招牌石頭湯，石頭湯上面有好多魷魚干同元貝乾，聞落去香氣四溢！食物方面，海鮮選擇非常多，有海潮鮮鱸魚、沙白、蠔仔同海蝦等，每一樣都好新鮮。特別係海潮鮮鱸魚，肉質滑嫩，搭配湯底食，真係好鮮！！而沙白嘅鮮甜味又令整個火鍋更加豐富。肉類方面，豬肉、牛肉、雞肉都有，我最鍾意嘅係紐澳嫩羊肩，羊肉切得厚薄適中，燒過之後，肉質鮮嫩，油花分佈得宜，食落去完全冇膻味，搭配上昆布清湯，味道真係好正。蔬菜方面就更加靈活，可以喺外邊自助取，有唔同嘅台式丸類，像是魚丸、肉丸等等，選擇多得令人眼花撩亂。食落去每一樣都保持住新鮮感，搭配火鍋一齊煮！飲品方面，我哋叫咗冬瓜檸檬，飲落去清爽解渴，甜中帶酸，正好中和返火鍋嘅重口味，真係一個好選擇！而且仲有任飲😜😜😜最後甜品方面，餐廳提供咗幾款選擇，我哋試黑糖白玉奶酪，，口感滑順，味道清新！