牛牛日式火鍋放題 (北角匯二期) (已結業)

💡 一人一鍋火鍋放題打邊爐最緊要就係揀鍾意既湯底，有時要同朋友夾，未必揀到最心水既湯底，依間日式火鍋放題餐廳以一人 一人一鍋既形式，就人人happy 啦！🍽️ 湯底今次揀左藥膳麻辣鍋同膠原豬骨鍋。麻辣鍋濃郁夠辣夠惹味，膠原豬骨鍋就養生之選。除此之外，仲有山椒味噌鍋、關東壽喜燒鍋、泰酸辣蝦鍋、極の鰹魚鍋、蕃茄芝士鍋、奶油豆乳鍋等選擇。🍽️ 肉類、海鮮牛、豬、羊、雞、蝦、帶子樣樣齊，例如：國頂級牛肉、紐西蘭羊肩肉、澳洲和牛、澳洲安格斯牛、丹麥皇冠豚肉等。當中最推薦係M6澳洲和牛，雪花均勻，大塊有肉味。🍽️ 自助區自助區齊備多款蔬菜、丸類、麵食等。例如：淮山、秋葵、蟲草花。亦有熟食區，鰻魚，滷水牛腱都有得食，非常豐富。🍽️甜品、飲品區餐廳設有雪糕區，仲要有Movenpick 雪糕仼食，食多2杯就最回本。飲品選擇多，如果揀level3以上既餐仲包埋酒仼飲，加配純綠研奶蓋同黑糖珍珠鮮奶上菜個時仲出哂煙，非常打卡able 。