牛牛日式火鍋放題 (北角匯二期) (已結業)

疫情實在太耐，初頭都忍住唔食邊爐，但真係太耐冇食，行街無意中見到呢間餐廳係一人一爐，夠晒衛生，lunch 價錢都係百幾蚊，又唔貴一於食返餐，望真d原來就算夜晚食價錢都好合理。每個人都可以揀不同嘅湯底，我就揀咗豬骨湯，味道濃郁，亦都唔會好油，除咗牛肉之外，喺出邊所有嘅蔬菜類同埋丸類麵類都係任食。我叫咗美國牛小排，雖然薄d，不過真係好有濃郁嘅牛肉味， 一口一啖好好味，一個人食3-4碟都係等閒事。另外真係要強烈推介呢粒黑色墨魚丸，超彈牙超好食，芝士丸爆汁都好驚喜。除咗食物任食，連飲品都係任飲，最驚喜有支裝冷泡茶，解油一流仲有名牌雪糕可以任食，真係食多2球乜都抵返曬，質素高價錢又合理，最緊要夠衛生，我一定會再來。