木玥巷 (已結業)

Bookmark咗木玥巷好耐，今日終於有機會試啦，星期日兩點幾都仲要等位，好彩等咗10分鐘左右就有位啦。QR code落單，menu唔多選擇，好容易就睇齊有咩食，又有相片參考，好快決定到食咩啦。鹽酥雞安格斯魯肉飯：見到幾乎枱枱都叫鹽酥雞，一於跟風，白飯可以加$10轉安格斯魯肉飯，本來覺得濃味嘅魯肉汁會蓋過安格斯嘅肉味，安唔安格斯都只係綽頭啫，點知一啖之後不得了！秒間愛上😍，安格斯嘅牛肉味依然濃郁，配上濃味魯肉煮法，居然能互相扶持相親相愛！相反，見到鹽酥雞比較大粒，期待外表crispy內裡juicy, 可惜第一啖已經拉出一絲絲柴咗嘅雞肉，確係有啲失望，但係之後又有幾件雖然做唔到爆汁效果，但就冇再亁爭爭，呢方面有啲出品唔穩定咁。蜂蜜冰地瓜：只係凍嘅地瓜切片淋上蜂蜜，係我諗多咗所以期望高咗少少🫣招牌水果茶（西柚）：超大杯！酸酸甜甜又少少澀，有解渴解膩嘅功效👍下次一定要試吓紅燒牛肉麵😋