木玥巷

營業中

休息中

餐廳位於元朗富來花園地下, 環境簡約、採用木系設計, 以地道台式料理及台式飲品為主✨自行掃ǫʀ下單、非常方便, 有系統完全沒有漏單情況, 值得一讚👍🏻我們點了晚市套餐 黯然銷魂安格斯滷肉飯🍳 配太陽蛋、花枝丸兩粒滷肉飯軟嫩、安格斯牛味濃郁, 口感甜中帶點鹹, 送飯一流, 套餐還有涼伴青瓜, 花枝丸香脆彈牙, 必點推介😍木玥招牌牛肉麵🍜 配台灣腸一條、滷蛋牛肉麵是台牛肉麵經典之一, 湯底味道濃厚, 建議先品嘗一下台灣風味的湯底, 牛腱肉肉質燜得軟滑、台灣香腸非常香口小食鹽酥雞🐔 份量很多, 建議sʜᴀʀᴇ食, 鹽酥雞香氣四溢、鮮嫩多汁, 雞胸肉完全不乾也不鹹, 非常滋味👍🏻飲品黑糖珍珠鮮奶紅茶🧋茶味濃夠香滑, 飲後口裏還有茶味的清香木玥招牌水果茶（西柚） 大大杯清爽解膩西柚味水果茶、開胃解渴小店用心製作、非常足料, 服務員非常細心, 價錢非常親民、ᴄᴘ值高, 晚市時段坐無虛席、值得再回顧💕

我比較喜歡吃台式料理😍午餐時間，和同事來這裡吃。同事叫了一個鹽酥雞飯，我叫了台式牛肉麵。食物賣相非常吸引，牛肉淋身入味，麵質爽口彈牙，也會配一點點酸菜，我也叫了一個特飲👍🏻也試吃了同事叫的鹽酥雞麵，非常鬆脆，肉質嫩滑多汁👍🏻環境方面，二人可以坐近落地玻璃窗的高腳枱椅，如果想坐得舒服一點，也可以選擇另一邊的桌椅。店舖不算很大，應該可以坐20人，一點前到相對，不用太多等位。餐廳食物價錢合理，質素不錯，值得推介👍🏻

黎到朗屏呢面真係唔知食乜野 見到一間好大既店岩岩開門 好就入去食下，門面裝修係幾靚同附近既店比 呢間殺哂 門口又近車位可以睇車，呢個係賣點😅，入到去 職員都正正常常 冇乜惡劣態度 係冇乜表情 ，叫左兩個麵一個係招牌牛肉麵喇，一個係麻辣鴨血麵，味道牛肉麵係正常既，湯底好似冇出面既咁濃，但呢樣野真係見人見志，我比較鍾意濃湯，岩岩好接受到既 份量呢都算大，麻辣鴨血就好普通有小小似即食果d麻辣鴨血杯麵，但都係正常既。 份量大到食唔哂。有冇下次 就未必了 因為價錢唔平

嚟到元朗飲冠軍啡之外，都可以試呢間我覺得唔錯嘅台灣餐廳。紅燒牛肉麵 $79有三大塊嘅厚切牛腱，淋得嚟肉質有少少咬口，好食。都幾大碗麵，湯底清甜唔過咸，蘿蔔同白菜都好入味，吸收哂湯底嘅精華🤌🏼 加埋配菜就presentation加分。鹽酥雞麵 $68即叫即整㗎鹽酥雞，大大舊，份量唔少。睇倒有埋九層塔都知有誠意。皮脆肉嫩又多汁，唔錯唔錯。個粗麵好食，但個湯就無乜味，同碗紅燒牛肉麵完全比下去。會唔會用返紅燒牛肉麵個湯底會好啲？朗屏地鐵站行過嚟都幾近幾方便，一落樓梯就會見倒舖頭。

這間店非常奇怪，因為無端端內部枱凳擺設唔同咗，餐牌又有啲唔同咗。之前係手機點餐又冇咗。餐牌上的食物好似好相似，但係又好明顯唔同咗。之前的鹽酥雞很好味，我和先生都很喜歡吃，都是一嚿大大的雞塊、又脆又乾身，但係雞塊好Juicy。現在變成小的雞塊，明顯地冇以前那麼脆，而且職員態度惡劣。根本趕客。9:30未到已掃晒地、客人都未走就掃地，衛生知識欠佳。以前的水果茶和各類飲品也沒有了、變成罐裝飲品。所以我認為這間舖頭已今非昔比，唔使去了。

其實用餐時間90分鐘 過時可以直接講 我諗冇乜邊個客會無理取鬧唔肯走嘅不過餐廳今次用新方式 去到差唔多時候 ～21:30？我諗真係阻到佢哋收工掛 餐廳負責人當啲客冇到 突然大叫 （聽唔清楚佢叫啲乜）嚇到啲客靜曬 唔知係故意定點 不過如果係無意 都應該同啲客講聲唔好意思掛不過佢哋冇 嚇到啲客當場走曬人 一枱都冇淨 仲要比加一服務費😞

服務態度幾好，雖然外場只有一個服務員。場內油煙味幾重。💟核桃自家製的核桃味道不錯，少甜香脆，份量也夠💟蟹肉金絲炒新竹米粉蟹肉量少，但米粉炒得好食；米粉勁幼，炒得乾身。💟鹽酥雞大粒鹽酥雞，炸得酥脆，雞皮炸到豬皮咁乾身脆口；調味稍稍少左啲胡椒鹽。醬酒為柚子調味醬，味道清新，整體食落去感覺幾新鮮。💟宜蘭三星蔥餡餅應該是現成的餡餅，上枱都未煎熱，後來換過一碟就好，就普通現成餡餅的味道。💟澎湖花枝蝦排外層用上麵包糠做炸皮，比較薄身。

·黯然銷魂安格斯滷肉飯 $88超級足料嘅滷肉飯🤤 同平時香港食到嘅有啲分別，係切得比較大粒嘅滷肉，因為係用牛肉，口感方面相對煙韌又幾得意🤣 另外，估唔到台式滷肉飯配上太陽蛋又意外地幾夾，不過都係想要傳統滷水蛋多啲🫢·蟹肉金絲炒新竹米粉 $106個樣好似星洲炒米，男朋友話味道似佢細個阿媽整嘅炒米粉，好正咁喎🤣 但係有個缺點就炒得唔夠平均，有幾啖鹹啲，有幾啖就冇味🤔·鹽酥雞 $62炸得十分香脆之餘入面亦保持到肉汁，味道都唔錯👍🏻位置都方便，出咗朗屏站沿住天橋行，一落樓梯就係佢喇😉👍🏻

📍木玥巷🇭🇰 元朗媽橫路9號富來花園地下17-18號舖bookmark咗好耐嘅台灣菜～就咁睇就係做街坊生意 勁多一家大細嚟食2點左右去到都排左20分鐘*星期六、日及公眾假期要加一*佢食物嘅味道偏清！有健康嘅感覺😋 紅燒牛肉麵 $79好食！個湯好清甜 有藥膳味個蘿蔔大舊又甜 好正😋 濃豆乳擔擔麵 $72呢個好特別 好少試豆乳湯底出奇地夾！如果多啲花生麻味就好😋 蟹肉金絲炒新竹米粉 $98好入味 好多蟹肉碎 米粉唔會太乾😋 流心芋泥球 $36第一次食流心嘅芋泥球！好正

第一次食，覺得應該唔會再去食。1. 上菜時間：平日晚飯時間19:30-20:00，本身都係話多人到要等位，大概等咗25-30分鐘先上第一道菜。2. 味道：完全唔似台灣菜，無台灣菜嘅味道，例如鹽酥雞都係似淋咗濕濕地嘅炸雞；調味好重手，太鹹，鹽到係咁飲水。3. 食物選擇：同openrice上面影出嚟嘅菜式唔太相同，例如飲品只係得罐裝飲品，無一啲台式飲品。4. 服務質素&衛生狀況：作為小店嚟講，其實本身都唔會太要求啲咩服務，但覺得收得加一服務費，而無咩服務提供就唔太好，例如一入到去坐低，水都無俾過，最後只係自己拎隔離枱嘅水樽，到之後食到好鹹，想加水都等咗好耐先加到，但其實佢有個位放咗好多有水嘅水樽係到，但店主剩係掛住執枱先，講個時已經截咗單。到後來再次問佢加水嘅時候，佢就將之前啲客人用完嘅水樽啲水倒翻滿一個水樽度拎俾我哋，個人認為唔太衛生。整體嚟講，都同期望有所出入。

$87連加一，但係水都冇杯，牙簽要問佢拎，埋單要自己行出去，咁加咩一呢？普通茶餐廳服務都好過佢其他環境ok，枱面乾淨，湯冇味，牛𦟌腍，蘿蔔甜，整體黎講唔值300個笑哈哈，$87黎講有更好選擇

好開心尋日約到2個舊同事一齊食飯❤️因為卡卡下午要趕住去阿仔學校聽講座所以即刻諗起呢度原來都有一段時間無嚟 #木玥巷 食飯了午餐餐餐牌也變得好flexible 主食可選飯或麵，唔錯唔錯跟餐還可跟凍檸茶，比以前更抵食這家鹽酥炸物真的做得很酥脆所以以下幾款也是必點的👍🏻❤️鹽酥雞➡️用上雞扒切小件，每小件來做鹽酥，不太厚粉醬包裹每件雞肉，炸出來夠鬆化❤️鹽酥雞扒➡️相對鹽酥雞，鹽酥雞扒的雞肉份量的較多，啱哂男仕們，雞扒炸後還很多汁，不錯❤️糖醋排骨➡️每件排骨炸得夠酥脆，糖醋甜酸醬也不多不少的黏在排骨上，很開胃好吃略厭的是湯麵的湯較淡但配上較油膩的炸物也尚算合適

—已經一段日子冇嚟食 唔知係咪等位等到肚餓好似比之前感覺再好食d😋鮮蚵煎蛋($98)很驚艷!! 蚵仔飽滿大大粒而且份量慷慨之餘 分布平均每啖都很滿足鳳梨咕嚕肉($102)炸豬肉塊輕輕裹上一層甜酸汁保持脆身很香口金沙蝦球($104)鹹蛋黃調味剛好 大蝦亦爽彈冇雪味蜂蜜冰烤地瓜($52)綿糯香甜蟹肉金絲炒新竹米粉($106)蒜香蟹肉帶子炒飯($106)兩款都炒得乾身有鑊氣本身以為炒米粉會較清淡淡味但食上嚟又唔錯喎木玥招牌西柚水果茶($42)/芋香拿鐵($34)—————————————木玥巷元朗媽橫路9號富來花園地下17-18號舖

已經回頭食第二次😆第一次見到咁多好評試下食點知一食就覺得啲野食係高汁👍🏻第一次食就食左蒜香蟹肉帶子炒飯＄106份量好多一個人食唔哂食左一半就要打包翻屋企宵夜食，想講佢放到宵夜時間再叮翻都係一樣好食😋佢個味道係好香蒜味男朋友就叫左黯然銷魂安格斯牛肉飯＄88一樣份量好多好足好香，佢有啲泡菜嘅野但非韓國泡菜好特別好好食牛肉又唔會唔好食一個字：正而今次第二次食就叫左一碟蟹肉金絲炒新竹米粉＄106好食😋佢唔會太乾好香蟹肉味，份量都好夠一個人都食到7-8成😋男朋友就叫左碟木玥招牌紅燒牛肉麵＄98好大碗😹佢都食唔哂😹好抵食👍🏻牛肉肉質好食，面好食湯好香料好飲，有少少藥材湯味唔錯😋另外再叫左碟夜市地瓜條小食＄52個粉好好好好好好好食😆😆😆好香脆夠熱值得叫黎食😋👍🏻仲有佢每枱都會附送埋一小份核桃喔！佢係甜嘅核桃唔洗怕會苦個隻中意甜可以買一盒翻屋企食😹佢有得買一盒，佢好好食我已經食哂咁制😹環境又ok衛生又好係可能有時會飛黎一兩隻好細隻嘅蚊入黎因為佢始終都喺馬路邊都難避免至少冇見到任何昆蟲😹價錢中尚整體都好好

友人聚會二人前，落場後的第一轉，人流未達高峰，入席二人台；侍應端上前茶琥珀合桃，甜甜脆脆，一口接一口點了滷肉飯、鹽酥雞、冰蕃薯、飲品各一份，已經食到好滿足，還好未有點太多餐廳背景音樂播著周杰倫，十分輕鬆