噓

營業中

休息中

上環皇后街上年年尾迎嚟新咖啡店，新店店名好得意，Shuuuu…..！！彷彿嚟到要人靜靜地飲啡唔好騷擾其他人咁，但實情阿叔又覺得剛好相反，呢度嘅店主非常熱情健啖，鍾意嘅話可以坐喺長吧檯同佢吹吹水，開開心心飲啡之餘，更可以煩惱盡消。另外，值得一提係呢度除咗黑、白咖啡、少少pastry外，店內更提供一樽樽50g嘅咖啡豆可供購買，啱晒各位啡友想試少少但又唔使成大包咖啡豆咁買嚟飲，試啱邊隻好先再買，非常方便。