噓

上環海味店附近，有一間水泥風的咖啡店，店名「噓」🤫…店如其名，簡約、寧靜，咖啡也很專業，主打手衝咖啡，可以挑選不同產地的咖啡豆, 還有些小點心曲奇🍪muffin等等~☕️House black 選擇咗一杯ice black coffee, 咖啡果酸味明亮，好易入口～☕️House white 選用左中烘焙的咖啡豆，堅果味突出，做奶啡好夾😍店鋪雖然簡約，但是也坐得很舒適，有些單座位也有些打卡位～店鋪門口也有些座位，適合一些🚬人士～另外有個額外加分的地方，吧枱很大可以欣賞到咖啡師在入邊拉花也很方便可以和咖啡師交談聊天～…查看更多

今日我嚟到西營盤嘅“噓 Shu"，嘆住一個超正嘅下午茶！ ☕️呢間咖啡店真係好有feel，咖啡豆🫘零售都幾特別，用唔同顏色嘅packing去分辨咖啡豆嘅風味，都幾得意！我今次試咗一杯咖啡☕️+一個Muffin🥧。咖啡香味超濃郁，飲落去滑順，真係令我心情大好！😍 Muffin 亦都唔差，外脆內軟，而且仲係熱辣辣，口感啱啱好～ 🍪💕服務態度都幾好，員工都好熱情，畀人覺得好舒服。整體來講，呢個地方真係好適合放鬆心情，無論係一個人定係同朋友一齊嚟都好合適。推介！👍如果你都係咖啡lover，千祈唔好錯過！快啲嚟試下啦！💖…查看更多

Slice of my life ☕️| 上環型格咖啡店「噓 Shu」| 自家烘焙咖啡豆・新哥倫比亞配方・香港咖啡推薦放假終於有時間去上環做facial扮靚！💆‍♀️✨ 變美之餘，當然要順道來我心水的「噓 Shu」咖啡店，享受專屬的Me Time。天氣轉涼，最適合來一杯暖笠笠的Latte！☕️ 我點了他們自家新鮮烘焙的哥倫比亞House Blend，一試果然沒讓我失望。🤤 這款新豆的風味比之前更平衡順滑，每一口都暖進心頭，幸福感滿滿！說起「噓 Shu」，它不只設計感十足，水泥工業風超有型😎，更是本地自家烘焙品牌！店內專業炒豆機確保每粒咖啡豆都新鮮烘焙，品質絕對有保證。✨ 他們還有多款不同風味的咖啡豆，每款都有獨特包裝，總有一款啱你心水！🌈…查看更多

行過呢間超乾淨簡約嘅咖啡店， 整體氛圍好舒服，簡單精緻、精選豆款， 每罐豆都標明產區同焙度， 一望就知道主打精選手沖～ 我試咗佢哋嘅 Colour Black Hand Drip選咗一款 Colombia Antioquia Finca La Luisa Peach Fruit Honey（floral note）， 入口酸度明亮、果香層次好豐富，餘韻乾淨甜潤☀️ 厚度中尚，滑身，本人都係較鍾意Roasted 老闆手沖時節奏好穩，注水段分得清楚， 香氣一出已經令人期待🥰 精準嘅量度更加有質素保證 檯頭仲有 Muffin、cookie 等小甜點， 感覺啱晒想靜靜 enjoy 嘅人 🏠 環境：極簡灰調 ＋ 整潔寧靜 ✨ 咖啡風格：果香明顯、口感乾淨、質地輕盈 …查看更多

Shu Coffee 以「噓」為名，鼓勵客人靜靜品味咖啡，沉澱心情🤫店內設有炒豆機，提供自家烘焙咖啡豆，唔同顏色嘅包裝分別代表唔同風味，試飲完鍾意嘅話可以買包豆返屋企自己沖❤️初次到訪有啲選擇困難症，店員問完我想飲black coffee 定white coffee之後幫我揀咗呢款espresso base 嘅House White。☕️ House White選用中焙巴西咖啡豆，風味偏向nutty，口感順滑，融合奶香後呈現柔滑口感。入口溫潤，味道平衡。如果prefer低酸度揀呢款幾適合。…查看更多

喺喧鬧既城市街角，「嘘」靜靜佇立間舖頭喺皇后街街角，好似一個令時間慢慢靜落嚟嘅地方連店名都好似叫大家喺繁忙嘅城市入邊靜落嚟一推開門就聞到咖啡豆既醇香舖頭裝修簡單有吧枱同埋近牆嘅座位舖頭入邊都幾多客但每個人做住自己嘅事喺度嘆咖啡自成一角咁這裡主打手沖單品咖啡每一杯都精心調製無論是獨自嚟閱讀沉思又或者同朋友好友閒聊度過午后呢度都係一個好適合嘅地方同朋友叫咖啡，一杯黑一杯白黑咖啡飲到咖啡豆滿滿嘅果酸味白咖啡就有咖啡師精心拉嘅靚花喺呢度渡過一個短短嘅下晝，即刻覺得好似喺忙碌嘅生活差咗電咁樣呢度真係一個城市嘅療癒角落❤️…查看更多

🧡 Columbia Antioquia Finca La Luisa🧡 Peach fruit honey至從開始減肥之後肚腩就迷上左精品黑咖啡，因為黑咖啡嘅層次、味道都好豐富，唔同嘅處理手法、烘焙溫度♨️手沖嘅技巧，結合埋有千變萬化嘅可能性🎭其中有一款肚腩試過又好鍾意嘅，就係帶花香、果香嘅funky黑咖啡。今次終於搵到有cafe 賣啦😍呢款來自哥倫比亞嘅咖啡豆，經過一個程序叫fermentation，即係將好多花果倒埋一齊發酵，令到豆自帶花香🌸仲有少少酒味🍷沖嘅溫度係92度，比普通咖啡低一兩度😚當請教老細屋企手沖嘅技巧，老細就話pre-brew 要長啲，咁先可以帶到香味⏰現場都有豆賣，老細時不時會轉款，賣啲得意嘅豆😋Cafe 環境舒服安靜，忙碌嘅中環番工午間過黎休息一下，都係心靈嘅綠洲🏝️🍭噓🍭上環皇后街30號…查看更多

近排天氣炎熱，特別想飲凍嘢，在街口轉彎時見到有間咖啡店。咖啡店走工業風路線，牆身仿效水泥的質感，全店以灰色為主色。店內有個用磚頭砌成的位置擺放了幾款咖啡豆，唔同顏色代表唔同咖啡味道。☕️House Black呢杯黑色的咖啡味道回甘，最初會有苦澀味，慢慢就會有甜味，味道不斷變化。☕️House White咖啡的顏色似奶茶，但入口一啲苦澀味都冇，咖啡和奶平均，飲到最尾會有啲果香的酸味，而且夠冰凍，飲完透心涼。…查看更多

今日再次嚟到上環呢間coffee shop嘆咖啡，鍾意呢度有自己style，專注賣black coffee為主，店員又會幫你介紹唔同咖啡豆嘅味道～-Color black 有唔同咖啡豆選擇，唔同顏色代表各款咖啡豆嘅特色同甜度。今日想試酸味重啲嘅咖啡，店員就介紹哥倫比亞咖啡豆～呢款咖啡飲落冇乜苦味，平時怕飲black coffee嘅可以一試~-如果想飲返奶啡嘅話，呢度都有house white可以揀，想食甜品仲可以叫埋muffin～…查看更多

打工仔每朝點都要有咖啡先開到工，平時最鍾意周圍試吓唔同coffee shop, 今日搵到呢間一入嚟已經好鍾意🧡工業風裝修，同埋好靜好chill本身諗住喺度慢慢嘆埋杯啡先上去開工，點知等等吓腦細急call 上樓開會🙂‍↕️要轉外賣杯即刻返上去，好彩barrister哥哥好好人即刻幫我轉到，希望下次有機會喺度慢慢chill 吓杯啡都高質，飲得出係用靚豆沖，我比較鍾意nutty豆，啱晒我口味👍🏻😌 一定會再返嚟😍…查看更多

飯氣攻心最啱就飲返杯咖啡提一提神，呢間咖啡店嘅咖啡同事話俾我知，比起大型連鎖店味道更加濃郁，佢哋每人一杯黑咖啡，不過我鍾意甜甜地，就點咗杯咖啡加上蜜糖配燕麥奶，成件事真係非常夾，啱晒我口味，超級好味，開心開心！同埋成間cafe 好有工業風，坐喺度慢慢傾偈，真係幾relax。 我哋幾個同事坐喺度傾偈，都可以唔經唔覺傾咗成個鐘坐得舒服之餘店舖雖然唔大不過亦都有好多位置俾我打卡。餐廳仲有好多唔同種類嘅咖啡豆售賣，我有同事都買過返屋企自己試吓沖，大贊呢度揀嘅咖啡豆真係好高質，等我下次去睇吓揀唔揀到一包返屋企先。#噓上環皇后街30號地舖…查看更多

尋到間上環嘅咖啡店，真係幾有驚喜！裝修走灰調工業風，好有feel，仲喺海邊添～飲完咖啡去海邊行下，都幾舒服😌店主推介嘅House Black，淺烘豆帶少少酸，但酸度好適中，入口好順。朋友嗌咗杯Milk Coffee，用嘅係深烘豆，奶香同咖啡嘅微苦融得好夾，幾好飲。佢哋仲有咖啡豆賣，各款風味都有，想自己沖嘅都可以揀～一開始個friend 擔心佢哋唔會普通話，廣東話同普通話都好流利🤣附近返工嘅朋友，真係可以試下！…查看更多

Cafe環境讓人感到舒適與放鬆，簡約的設計配合柔和的燈光，營造出一種現代而溫馨的氛圍。牆面採用灰色水泥，搭配透明的吧椅，讓整體空間顯得開放而通透。咖啡器具的擺設也十分有藝術感。🍵抹茶鮮奶🍵細膩的泡沫上繪出美麗的心形，讓人一眼就愛上。每一口都能感受到抹茶的清新與鮮奶的醇厚，甜度適中House Black則是另一番風味，濃郁的香氣和豐富的口感，微苦，讓人心情愉悅。餐廳有咖啡豆零售，主要用packing 顏色分辨咖啡豆風味。大家都可以買返屋試下…查看更多

呢日同朋友去咗西營盤一間好chill嘅cafe，水泥灰工業風裝修，簡約又型格，坐低即刻有種好舒服嘅感覺！House White ($45)係Latte，咖啡豆味濃郁，入口順滑，奶泡綿密，帶點微果香，不錯！Golden Beach ($58)係甜桂花菠蘿梳打，氣泡清爽，桂花同菠蘿嘅甜味搭得超好，炎夏飲落好解渴！Salted Caramel Muffin ($35)外脆內軟，咬落鬆軟濕潤，焦糖甜中帶鹹，每啖都係甜鹹交織嘅享受！餐廳有咖啡豆零售，Packing用唔同顏色區分咖啡豆風味，揀豆一目了然，設計好貼心！📍噓（上環）上環皇后街30號地舖 #Cafe噓 #上環 #香港咖啡店 #西營盤美食 #工業風咖啡 #latte愛好者 #甜品推介 #咖啡豆零售 #chillcafe #上環Cafe #西營盤Cafe…查看更多

係繁忙既海味街附近，而間coffee shop就成為一個令人放鬆既避風港☕️Shuuuuuuuu🤫 放低腳步好好享受一下😚☕️House Black ($40)☕️House White ($45)House Blend既咖啡豆沖出黎既咖啡醇厚滑順，口感十分豐富😙偏nutty口味，香氣濃郁😋而House White奶泡既綿密感與咖啡既苦澀完美結合，好柔和好舒服😚除左House Blend，店舖仲提供多款咖啡豆供顧客選擇，價錢唔貴，岩曬咖啡愛好者，無論你中意邊種風味或烘焙程度，都搵到岩你既咖啡豆，等你你屋企都可以品味咖啡😌店內環境設計簡約而舒適，適合獨自靜靜享受咖啡，或同朋友傾計☺️店員熱情友好，對於咖啡既介紹亦非常專業🫶🏻如果行西區行到攰，不妨去坐低飲杯咖啡享受下😝 shuuuuuuuu😗…查看更多