夢 (已結業)

阿叔👨🏾絕對唔係一個飲食專家，不過疫情下無得飛，自然捨得食咗。為氹自己，當然首選食廚師發辦🍣，由於有需要，市場上呢年嚟都開咗唔少唔同類型嘅廚師發辦，有啲專食日本嘅新鮮食材🎌、有啲就專食主廚創意🧠，而今次阿叔嚟嘅呢間，我就認為專食主廚嘅擺盤藝術🍱。 ☝🏽係人都知日本嘅懷石料理對擺盤好講究，阿叔👨🏾喺日本一泊二食時都體驗唔少，今次有幸喺香港感受同樣高質嘅擺盤藝術，每道菜都彷如藝術品咁，確實靚到唔捨得食！😍 🥗先付：先嚟粟米沙律菜、靜岡番茄等畀大家開開胃，店員建議食之前加埋面頭新鮮打起嘅士多啤梨泡沫，味道會更多一份香甜。 🧆八寸：以春天櫻花為題，將豆子、日本蠶豆、芝麻豆腐同蝦芋丸4款小食結合於畫中，一邊食記得要欣賞埋廚傅們用心嘅擺盤設計。 🥚吞拿魚鮫蛋黃漬物：以吞拿魚鮫同淮山作底，面頭再加上生紫菜、食用花同埋嚟自埼玉縣嘅蛋黃，吞拿魚鮫本身味道濃郁，油份重，撈均蛋汁一齊食，肉質更覺嫩滑。 🐟刺身三點：繼續以春天為題，三款新鮮刺身包括平目魚、帆立貝、鯖魚一併放入花盒之中，加埋其他小花綠葉襯托，好有詩意。 🐙蝦湯浸烏賊伴鱈魚乾：蝦湯味道濃郁，浸住底層由墨魚咀同魚肉打成嘅烏賊真丈，爽口彈牙；烏賊真丈