影片
更多
2024-10-24
341 瀏覽
踏入初秋🍂，又係阿叔最鍾意嘅食蟹季節！當仲未同朋友約食大閘蟹之前，先嚟食個松葉蟹宴先。🦀🦀🦀呢間位於銅鑼灣 Tower 535 嘅日式餐廳一向以高質又大眾化嘅價錢見稱，之前阿叔都食過佢哋嘅午市定食同晚市15道菜嘅席前料理，覺得佢哋質素都唔錯。見近日佢哋新推咗個以松葉蟹作主打、A5和牛做助攻嘅晚市餐單，咁就即管再嚟試試佢先！🥢冬日松葉蟹和牛宴 ($680/位，第2位半價)全個餐9道菜，除咗燒鱈魚乾、漬物三點同雪糕窩夫外，仲有以下5款以松葉蟹作主打嘅菜式：🦀松葉蟹沙律🦀蟹肉春卷🦀刺身四點 (松葉蟹、鯛魚、三文魚、帶子) 🦀松葉蟹甲羅燒🦀北海道三色丼特別推介甲羅燒同三色丼，前者即係松葉蟹膏釀蟹蓋，滿滿嘅蟹膏，加埋蟹籽，明火加熱後，加埋鵪鶉蛋同蔥一齊撈均食，濃郁嘅味道，既邪惡又幸福嘅感覺；後者賣相吸睛嘅丼飯，除咗松葉蟹肉，仲有大大粒三文魚籽同鮮甜海膽，份量之多鋪滿成碗飯，單食呢個菜式都已經回番全個餐嘅1/3價錢。想更值回票價，當然要食埋呢個有雜錦野菜、A5和牛西冷、A5和牛片同豬梅片嘅壽喜燒鍋。西冷、和牛、豬梅片各有3-4塊，每塊size都幾大，而且肉質都幾幼嫩，不過建議餐廳應該提供埋日本蛋，
呢間位於銅鑼灣 Tower 535 嘅日式餐廳一向以高質又大眾化嘅價錢見稱，之前阿叔都食過佢哋嘅午市定食同晚市15道菜嘅席前料理，覺得佢哋質素都唔錯。見近日佢哋新推咗個以松葉蟹作主打、A5和牛做助攻嘅晚市餐單，咁就即管再嚟試試佢先！
🥢冬日松葉蟹和牛宴 ($680/位，第2位半價)
全個餐9道菜，除咗燒鱈魚乾、漬物三點同雪糕窩夫外，仲有以下5款以松葉蟹作主打嘅菜式：
🦀松葉蟹沙律
🦀蟹肉春卷
🦀刺身四點 (松葉蟹、鯛魚、三文魚、帶子)
🦀松葉蟹甲羅燒
🦀北海道三色丼
特別推介甲羅燒同三色丼，前者即係松葉蟹膏釀蟹蓋，滿滿嘅蟹膏，加埋蟹籽，明火加熱後，加埋鵪鶉蛋同蔥一齊撈均食，濃郁嘅味道，既邪惡又幸福嘅感覺；後者賣相吸睛嘅丼飯，除咗松葉蟹肉，仲有大大粒三文魚籽同鮮甜海膽，份量之多鋪滿成碗飯，單食呢個菜式都已經回番全個餐嘅1/3價錢。
想更值回票價，當然要食埋呢個有雜錦野菜、A5和牛西冷、A5和牛片同豬梅片嘅壽喜燒鍋。西冷、和牛、豬梅片各有3-4塊，每塊size都幾大，而且肉質都幾幼嫩，不過建議餐廳應該提供埋日本蛋，皆因肉片撈埋蛋汁口感會更滑溜呢！
🍶順帶一提俾各位酒鬼，隨餐可另加$98，就咁可以3個鐘內任飲場內日本清酒，真係自己打開雪櫃任斟任飲嗰隻，包你任飽食醉。
張貼
