影片
更多
2024-07-30
28 瀏覽
呢間日式居酒屋本店位於尖沙咀寶勒巷，一直都喺阿叔嘅to-go list 入邊。近排，佢終於開到嚟港島區，仲要係喺銅鑼灣Sogo 隔離嘅澳門逸園中心。咁近阿叔屋企，唔係唔嚟呀嘛！😏同其他居酒屋一樣，呢度亦有唔少菜式選擇，除咗刺身、燒海鮮，仲有多款串燒、佐酒小吃、熱食俾你飲番一、兩杯襯托一吓！🥢肉厚活3年帆立貝 ($148)原隻帆立貝切粒，再以鹽火輕炙示人，唔單止帶嚟視覺享受，味道同樣出色，正如其名，帆立貝唔單止肉質肥厚，而且爽口彈牙，實屬嚟到必叫菜式之一。🍮自家製雞蛋布甸 ($38)無諗到喺居酒屋可以食到咁出色嘅雞蛋布甸！軟嫩又充滿雞蛋香嘅口感，配上焦糖醬味道實在太夾，唔會太甜，阿叔咳住都忍唔住要食番個。🥚明太子煎雞蛋卷 ($88) 金黃色嘅雞蛋外皮，口感軟潤，入邊包住滿滿鹹鮮味嘅明太子，只要一啖放晒入口，就會嚐到暖暖嘅溫度，幸福嘅感覺。🦪海膽汁燒蠔 ($118) 一客有4大隻肥美燒蠔，隻隻脹卜卜，面頭再淋上味道濃郁嘅海膽醬汁增加蠔嘅鮮甜味。🐟刺身拼盤 7點盛 ($380)一客有齊中拖羅、深海池魚、魷魚、間八、伊佐木、平目同真鯛7款時令刺身，款款都有2大件，每片都幾厚切，呢個價錢值得一試
同其他居酒屋一樣，呢度亦有唔少菜式選擇，除咗刺身、燒海鮮，仲有多款串燒、佐酒小吃、熱食俾你飲番一、兩杯襯托一吓！
🥢肉厚活3年帆立貝 ($148)
原隻帆立貝切粒，再以鹽火輕炙示人，唔單止帶嚟視覺享受，味道同樣出色，正如其名，帆立貝唔單止肉質肥厚，而且爽口彈牙，實屬嚟到必叫菜式之一。
🍮自家製雞蛋布甸 ($38)
無諗到喺居酒屋可以食到咁出色嘅雞蛋布甸！軟嫩又充滿雞蛋香嘅口感，配上焦糖醬味道實在太夾，唔會太甜，阿叔咳住都忍唔住要食番個。
🥚明太子煎雞蛋卷 ($88)
金黃色嘅雞蛋外皮，口感軟潤，入邊包住滿滿鹹鮮味嘅明太子，只要一啖放晒入口，就會嚐到暖暖嘅溫度，幸福嘅感覺。
🦪海膽汁燒蠔 ($118)
一客有4大隻肥美燒蠔，隻隻脹卜卜，面頭再淋上味道濃郁嘅海膽醬汁增加蠔嘅鮮甜味。
🐟刺身拼盤 7點盛 ($380)
一客有齊中拖羅、深海池魚、魷魚、間八、伊佐木、平目同真鯛7款時令刺身，款款都有2大件，每片都幾厚切，呢個價錢值得一試。
張貼
