影片
更多
2022-11-24
184 瀏覽
返工咁辛苦，間唔中要同男朋友食餐好🍴獎勵一下辛勞既自己🫶🏼上星期我地去左位於鰂魚涌太古坊既Honjokko，餐廳位置好隱蔽，裡面有好幾間餐廳，店員會帶我地入指定餐廳👩🏻一上扶手電梯入去，已經感受到呢度既豪華感🍾餐廳裝修好高貴華麗🌹💕氣氛亦非常有情調🥂天花板用左日本紙傘做裝飾，感覺時尚又有特色☺️座位舒適，另外要大讚店員既服務，好親切又細心💯Tasting Menu $780 x2❥ Edamame以枝豆作為前菜，外表翠綠既豆莢包住豆粒，簡單加鹽調味已經好好食，送酒一流🥂❥ Spinach賣相精緻又創新，就咁望覺得似糕點🤭其實係一層又一層既菠菜！菠菜食落爽脆，配埋濃郁既芝麻醬，味道好夾！夠refreshing🥬❥ Madai Truffle鯛魚刺身，面頭加左即磨黑松露，勁香♨️而佢個醬汁係啫喱狀，味道酸酸甜甜，加埋車厘茄、洋蔥等等，好開胃💚❥ Waygu灸燒和牛刺身，肉質鮮嫩柔軟，牛味濃郁，加左辣椒同蔥花，有微辣既效果，幾惹味🌶️❥ Sashimi Platter刺身盤方面有帶子、拖羅、海膽、三文魚籽😍每款都好新鮮高質！帶子肥美又爽甜😋拖羅好厚切，有入口即溶效果😙仲有海膽份量都唔少，食落新鮮唔
上星期我地去左位於鰂魚涌太古坊既Honjokko，餐廳位置好隱蔽，裡面有好幾間餐廳，店員會帶我地入指定餐廳👩🏻
一上扶手電梯入去，已經感受到呢度既豪華感🍾餐廳裝修好高貴華麗🌹💕氣氛亦非常有情調🥂
天花板用左日本紙傘做裝飾，感覺時尚又有特色☺️
座位舒適，另外要大讚店員既服務，好親切又細心💯
Tasting Menu $780 x2
❥ Edamame
以枝豆作為前菜，外表翠綠既豆莢包住豆粒，簡單加鹽調味已經好好食，送酒一流🥂
❥ Spinach
賣相精緻又創新，就咁望覺得似糕點🤭其實係一層又一層既菠菜！
菠菜食落爽脆，配埋濃郁既芝麻醬，味道好夾！夠refreshing🥬
❥ Madai Truffle
鯛魚刺身，面頭加左即磨黑松露，勁香♨️
而佢個醬汁係啫喱狀，味道酸酸甜甜，加埋車厘茄、洋蔥等等，好開胃💚
❥ Waygu
灸燒和牛刺身，肉質鮮嫩柔軟，牛味濃郁，加左辣椒同蔥花，有微辣既效果，幾惹味🌶️
❥ Sashimi Platter
刺身盤方面有帶子、拖羅、海膽、三文魚籽😍
每款都好新鮮高質！帶子肥美又爽甜😋
拖羅好厚切，有入口即溶效果😙
仲有海膽份量都唔少，食落新鮮唔會腥～
❥ Honjokko Otoro
煙燻吞拿魚卷🍣一打開有煙燻效果🌪️賣相好靚！！
卷物上既吞拿魚新鮮厚身，面頭仲加上左海膽同金箔，無論係視覺定口感上都大滿足💕
❥ Sea Bass Saikyoyaki
爐魚魚皮燒到好香脆，魚肉非常之嫩滑🤩
調味恰宜，突顯到魚味之餘味道又唔會太寡‼️
鍾意食魚既朋友應該會滿意☺️🐟
❥ Robata Pork Belly
串燒豬腩肉，真係好邪惡🤭🤭
同男朋友一人一串，每串有3舊，肉質好淋好嫩，咬落口勁多肉汁！
❥ Mizuna Salad
連埋Pork Belly一齊上，即刻覺得有種減膩既效果😆
Mizuna係日本水菜，配埋西柚肉同酸酸甜甜既醬汁，好清新🥗
❥ Black Sesame Crème Brûlée
明明食到好飽！但上到甜品都忍唔住清晒佢🥰
呢款甜品真係超岩我心意🍮
面頭有塊芝麻脆片，中間係好濃郁既海鹽焦糖雪糕（MY FAVOURITE!!!🥰🥰🥰）而底部係紅荳蓉+黑芝麻布甸！
呢個組合配搭新穎，又好好食🤤係誠意之作啊！
張貼
