雞老闆

營業中

休息中

今次去咗旺角染布房街嘅「雞老闆」，主打正宗清遠走地雞火鍋，食物材料都係非常高質令人眼前一亮！餐廳內部位置都好闊落，岩曬一班人打邊爐。今次介紹既係$388套餐，湯底可以簡椰子雞或者滋補湯底，由於呢排天氣非常濕，我就簡左滋補五指毛桃湯底祛濕。———————————————🌟 清遠走地雞雞煲(半隻)用正宗清遠走地雞製作，餐廳自己有養殖監控制雞品質，雞肉食落真係特別結實有咬口，皮下脂肪少但一啲都唔鞋口，加上有醃製過味道真係超級好。🌟 海鮮拼盤套餐包左4隻大頭蝦同2隻大鮑魚，4隻大頭蝦全部手掌咁大，蝦肉爽彈鮮甜；鮑魚都好肥美，煮熟後都保持到厚身口感，完全唔會縮水。🌟 雜丸拼盤拼盤都有唔少種類有牛丸、芝士腸、芝心丸，墨魚丸等，特別要講吓牛丸入面仲有芝士餡，有爆汁效果非常Juicy。🌟 新鮮蔬菜拼盤份量款式非常多，生菜娃娃菜，油麥菜白菜仔等等都有齊，而且大部份都新鮮翠綠清甜爽口。🌟 手切安格斯牛(追加)特別推薦追加佢哋嘅手切牛，分別加左份安格斯牛小排同手切牛肩頸，切出嚟都幾厚身，完全唔係平時好薄嗰種肥牛，表面油花都好靚，肉質粉嫩牛肉味非常濃郁。