La Barra Tapas Spanish Restaurant

營業中

休息中

今日去咗長沙灣一間叫「La Barra Tapas Spanish Restaurant」嘅西班牙餐廳食午餐，餐廳嘅裝修充滿西班牙風，開放式廚房放咗一隻油封西班牙黑毛豬火腿，牆上掛咗一幅好大嘅西班牙地圖，令五月去完西班牙旅行嘅我好掛住當時嘅旅程，而店員都會貫徹西班牙嘅熱情，上菜時細心咁講解每一道菜式。🍊 純種西班牙黑毛豬火腿呢隻西班牙黑毛豬係用全橡果子餵飼，油封風乾咗48個月，食落去油脂感好重，黑毛豬嘅肉味好濃烈，味道唔會太鹹，食完口腔充滿着濃郁嘅香氣，而且份量頗大，刀工唔錯切得幾薄，每一片都有平均分布嘅火腿肉同油脂，係一個食西班牙菜必嗌嘅前菜🍊 西班牙紅蝦配意大利飯海鮮paella亦都係另一項西班牙菜必嗌嘅菜式，今次揀咗廚師推介嘅西班牙紅蝦，同平時食開嘅蝦唔同，西班牙紅蝦嘅體積較大，而且蝦膏味道較為濃郁，意大利飯用咗蝦頭嘅汁同蝦膏一齊煮，令到每一粒飯都食到濃郁嘅蝦味，再配上沙律醬同羅勒醬，味道偏重味，適合加入新鮮嘅檸檬汁中和濃濃味🍊 焗鱈魚配紅椒醬鱈魚焗完出嚟仍然保持到魚肉好滑身，以紅色嘅紅椒醬同黃色嘅蘋果堅果醬相間，賣相幾吸引，兩個醬同鱈魚都好夾，底下配埋幼滑嘅薯蓉，成道菜食落好舒