影片
更多
2025-03-19
85 瀏覽
今日嚟到一間銅鑼灣以k-pop為主題嘅Cafe——Unnie @unnie_cwb 。餐廳入面以工業風為設計風格，撞正某啲特別日子，有機會喺到放啲韓星嘅應援用品，例如相片、海報等等，追開星嘅朋友真係要緊密留意！魚糕串辛辣麵卡邦尼意粉 （$128+餐$66）意粉融合咗韓國風味同西式風味汁。滑順creamy嘅卡邦尼忌廉蛋汁，加上辛辣麵嘅香辣味，濃厚而惹味，意粉亦都好Al dente。最特別係加咗一大串魚糕，多咗種韓國街頭嘅風味。味道：8/10 大發!!芝士辣炸雞年糕 （$148+餐$66）真係會俾佢嘅presentation嚇親！成把刀直插落碟嘢到。以為我哋得罪咗人！（並沒有）但老實講，佢同我想像中係有少少出入，原本以為係雞槌嗰種，但原來係炸雞扒／雞胸。好彩佢嘅炸雞都幾好食，外皮夠脆（係厚咗啲），肉質嫩滑。調味方面，佢為芝士香辣口味，幾過癮。味道幾唔錯，係啲雞少咗啲。其他都係年糕同魚糕，好彈牙，辣辣哋又有啲泡菜味。味道：7.8/10餐湯餐湯係粟米忌廉湯，有粒粒粟米，口應幾好。味道香甜，有少少奶香。味道：7.6/10蛋糕（餐）蛋糕一共有六款，平日一至四＋$28仲有蛋糕放題！小編就要咗一個原味
今日嚟到一間銅鑼灣以k-pop為主題嘅Cafe——Unnie @unnie_cwb 。餐廳入面以工業風為設計風格，撞正某啲特別日子，有機會喺到放啲韓星嘅應援用品，例如相片、海報等等，追開星嘅朋友真係要緊密留意！
魚糕串辛辣麵卡邦尼意粉 （$128+餐$66）
意粉融合咗韓國風味同西式風味汁。滑順creamy嘅卡邦尼忌廉蛋汁，加上辛辣麵嘅香辣味，濃厚而惹味，意粉亦都好Al dente。最特別係加咗一大串魚糕，多咗種韓國街頭嘅風味。
味道：8/10
大發!!芝士辣炸雞年糕 （$148+餐$66）
真係會俾佢嘅presentation嚇親！成把刀直插落碟嘢到。以為我哋得罪咗人！（並沒有）
但老實講，佢同我想像中係有少少出入，原本以為係雞槌嗰種，但原來係炸雞扒／雞胸。好彩佢嘅炸雞都幾好食，外皮夠脆（係厚咗啲），肉質嫩滑。調味方面，佢為芝士香辣口味，幾過癮。味道幾唔錯，係啲雞少咗啲。其他都係年糕同魚糕，好彈牙，辣辣哋又有啲泡菜味。
味道：7.8/10
餐湯
餐湯係粟米忌廉湯，有粒粒粟米，口應幾好。味道香甜，有少少奶香。
味道：7.6/10
蛋糕（餐）
蛋糕一共有六款，平日一至四＋$28仲有蛋糕放題！小編就要咗一個原味芝士、一個伯爵茶慕絲。兩個都係中等以上嘅蛋糕，芝士味同伯爵茶味都好香，又唔會過甜，店家仲加咗啲脆脆，口感十足！
味道：7.7/10
餐飲：濟洲柳丁美式
店家好好，可以揀一shot／兩shot，我就當然要兩short。咖啡加咗橙汁之後苦澀味少咗，容易入口啲。同時間會有種清爽酸甜嘅感覺，所以小編覺得都幾啱平時唔太飲咖啡嘅人試吓。
味道：8/10
U果茶
入面有蜜桃、橙同熱情果，非常足料。味道酸酸甜甜，可以
消滯解膩。茶底就普普通通，唔算好香。
味道：7.8/10
Unnie (銅鑼灣)
銅鑼灣富明街2-6號寶明大廈1樓L號舖
#香港必食 #香港美食 #食評 #香港食評 #香港生活 #小紅書 #hkig #hkfood #hkfoodie #hkeat #銅鑼灣 #銅鑼灣美食 #causewaybay #cwb #cafe #brunch #dinner #korea #咖啡 #咖啡店 #韓式 #西餐 #韓國 #韓國料理 #韓星 #韓流 #韓星周邊 #kpop #金秀賢 #應援
張貼
