牡蠣小屋

營業中

休息中

今日去咗銅鑼灣一間叫「牡蠣小屋」嘅餐廳食晚餐，呢間餐廳係專門食牡蠣，有大量嘅生蠔、焗蠔、同蠔有關嘅小食可以選擇，啱晒鍾意食蠔嘅朋友！座位除咗有吧枱位、卡位、仲有日式榻榻米嘅位置，幾有特色。🍊 鐵盤燒生牡蠣非常推薦大家試呢個焗蠔，鐵盤燒蠔係加入清酒同日本生蠔係鐵盤內焗熟，每隻生蠔嘅尺寸都好大，咬落去肉質肥美，味道除咗充滿蠔本身嘅海水鮮味，仲吸收咗清酒嘅清甜味，真係食到停唔到口🍊 6種食法生蠔呢個六種食法嘅生蠔好特別，有唔同嘅醬汁同配料襯托日本生蠔，包括泰式蕃茄秋葵、生蠔醬油伴金桔、墨西哥辣椒蕃茄、芥末烤牛肉、櫻花果凍、酸奶油伴三文魚子，各種醬汁嘅配搭可以令生蠔嘅味道產生奇妙嘅變化，我最鍾意係醬油伴金桔，醬油可以提鮮而金桔可以增加清新感🍊 和牛卡爾帕蕎日本生和牛片加上大量嘅新鮮青蔥粒、新鮮洋蔥段同甜醬油，食落去帶有生洋蔥嘅爽辣，令到生牛肉完全冇腥味，而且口感同味道層次都好豐富🍊 山芋明太子鐵板燒三，芋泥蓉嘅口感順滑，加埋帶有鹹香嘅明太子、日本生雞蛋、沙律醬、青蔥絲同紫菜，喺微熱嘅鐵板上攪拌混合，係幾有特色嘅日式前菜🍊 名古屋味噌雞肉鍋鳥冬名古屋嘅烏冬口感較為結實，質感較重麵粉，唔係平時食開