Sushi N

營業中

休息中

「廚師發辦」一直都俾人一種好貴、高不可攀嘅感覺。小編就搵到銅鑼灣一間性價比高嘅「廚師發辦」——Sushi N 佢哋為咗慶祝兩週年，依家只要喺Openrice 訂座訂餐，十六品一人御膳竟然有六折優惠！😦😦另外仲推出左兩周年特別優惠餐牌，20:30後餐牌內單品可享65折！🫨🫨小編就幫大家試咗【十六品一人御膳餐 ＄738（已折未加一】，比較可惜係今次餐廳入面比較full，唔到席前嘅位置，睇唔到師傅手勢。😭😭前菜三品蛋黃醬吞拿魚：醬感唔太重，仍然食到魚肉味。大根、螺：螺肉爽彈，蘿蔔保有一定爽度，但又有少少腍，啱啱好。柚子汁車厘茄：柚子味酸甜濃郁，非常開胃 😳刺身五點生蠔：肉質飽滿，加少少青檸，酸酸甜甜，海水味濃郁。🌊🌊赤座蝦：呢個有驚喜，蝦肉非常鮮甜，爽口中帶少少膠質。🤤蜜柑鯛：魚肉爽口，魚味香濃。池魚：肉質鮮嫩、肥美而清爽大拖羅：厚切冇筋，油脂甘香，但肥而不膩。🐟壽司五貫北海道雲丹海膽軍艦：海膽creamy軟滑，入口帶甜，唔苦唔腥，好食。😍😍目一鯛：味道偏清爽，魚肉有微微清甜味，感覺高雅。牡丹蝦海膽：海膽一樣軟滑香甜，加埋牡丹蝦，甜上加甜，加返少少山葵，啱啱好～😌帆立貝：非常厚身，味道鮮甜。