影片
更多
2023-04-18
32 瀏覽
呢間餐廳主打各款Fusion菜，具有國際特色嘅中式漢堡包真係會食過返尋味。今次已經係我二訪呢間餐廳，今次見到佢多咗個2人套餐，$298一位就可以包4款小食、2款主食嘅包、2款雪糕包同2款飲品，如果有更多朋友一齊食一樣可以用返同樣價錢享受更大份嘅小食加額外嘅包同飲品～———————————————🌟LB凱撒沙律呢個沙律真係超獨特，佢係用豆豉鯪魚整嘅凱撒沙律，菜底以椰菜為主，面層仲有芝麻同乾蒜，令成個菜式更香口。.🌟紫菜炸墨魚脆脆呢個墨魚脆脆真係新鮮炸起，咬落去熱辣辣外層連埋炸過嘅紫菜食落非常香脆，入面墨魚味都好重，點少少黑蒜醬可提味令成個味道更濃更重。.🌟墨西哥炸雲吞炸雲吞個皮炸到金黃色同非常脆，佢最特別嘅地方係上面仲有糖醃過嘅波蘿粒同牛油果醬，感覺就好似用另類手法整緊中式果種點甜酸醬嘅炸雲吞，製法非常有創意！.🌟黑松露薯條大眾嘅黑松露薯條一般都係普通薯條再配個黑松露醬，但呢度嘅黑松露薯條就完全係與眾不同，佢上面除咗黑松露醬外，仲有炒過嘅蘑菇同滷肉醬，面頭仲有一條條黃色嘅醃蘿蔔，識落有少少似鹹菜嘅味道，成個菜式集合咗西式中式同日式嘅元素但食落味道又非常夾。.🌟招牌豬腩包呢舊豬腩真係不得了
呢間餐廳主打各款Fusion菜，具有國際特色嘅中式漢堡包真係會食過返尋味。今次已經係我二訪呢間餐廳，今次見到佢多咗個2人套餐，$298一位就可以包4款小食、2款主食嘅包、2款雪糕包同2款飲品，如果有更多朋友一齊食一樣可以用返同樣價錢享受更大份嘅小食加額外嘅包同飲品～
———————————————
🌟LB凱撒沙律
呢個沙律真係超獨特，佢係用豆豉鯪魚整嘅凱撒沙律，菜底以椰菜為主，面層仲有芝麻同乾蒜，令成個菜式更香口。
.
🌟紫菜炸墨魚脆脆
呢個墨魚脆脆真係新鮮炸起，咬落去熱辣辣外層連埋炸過嘅紫菜食落非常香脆，入面墨魚味都好重，點少少黑蒜醬可提味令成個味道更濃更重。
.
🌟墨西哥炸雲吞
炸雲吞個皮炸到金黃色同非常脆，佢最特別嘅地方係上面仲有糖醃過嘅波蘿粒同牛油果醬，感覺就好似用另類手法整緊中式果種點甜酸醬嘅炸雲吞，製法非常有創意！
.
🌟黑松露薯條
大眾嘅黑松露薯條一般都係普通薯條再配個黑松露醬，但呢度嘅黑松露薯條就完全係與眾不同，佢上面除咗黑松露醬外，仲有炒過嘅蘑菇同滷肉醬，面頭仲有一條條黃色嘅醃蘿蔔，識落有少少似鹹菜嘅味道，成個菜式集合咗西式中式同日式嘅元素但食落味道又非常夾。
.
🌟招牌豬腩包
呢舊豬腩真係不得了，成塊肉係勁厚切仲要燒得好香口感入口即溶，睇到舊肉都覺得好邪惡🤣個包入仲有好多醬汁同配料，特別想highlight嘅係有好多京蔥絲，清新嘅味道中和返曬本身嘅肥膩感👍🏻
.
🌟炸三黃雞包
我個人係超鍾意呢個包，我認最主要嘅原因係雞扒嘅味道同佢特調嘅醬汁。雞扒本身應該係炸之前就已經醃製過，咬落香脆之餘仲會有四川嘅麻辣味，連埋甜甜酸酸有少少似千島醬嘅醬汁，食落超啱我口味👍🏻不過雞扒中間略嫌皮下脂肪有少少厚，但成個食落口都係好好味，下次嚟都會再叫呢個包！
.
🌟雪糕包
雪糕包有分綠茶同鹽味，綠茶雪糕上面有少少煉奶配搭，鹽味就配焦糖醬。包方面佢係用熱辣辣嘅炸饅頭，配上雪糕冰火相交真係超好食，不過要記得食快少少，如果唔係溶咗食就會有少少狼狽🙈
.
🌟各款雞尾酒
我哋分別叫咗一杯Chris’ Lemonade 同一杯Guavalada，味道係令人驚艷！Lemonade果杯本身有加Vodka，再連同菊花、蜜糖、檸檬同薑，飲落完全唔重酒味，有少少蜜糖嘅清甜味，仲會有少少好似k11果種香水味嘅感覺。至於另一杯以柚子梳打做底加上番石榴熱情果同梅子粉，飲落石榴味重少少，酸酸甜甜，杯口仲有鹽邊，多種口味但又異常地夾❤️
張貼
