影片
更多
2023-09-05
584 瀏覽
之前已經留意到有唔少人食呢間居酒屋，今次終於到我嚟試！一開始到嘅時候發現店比我想像中細，入到去先知原來佢仲有上面果層，環境雖然唔算大但個裝修都好有日式居酒屋感覺。———————————————.🌟藍子魚刺身 $428未食之前就已經想讚讚個刀工，唔單止係魚片好薄身，仲要雕刻成天鵝同蝴蝶嘅配料，真係非常之靚😍魚片味道都非常鮮甜，成條魚連骨上，食到尾真係差啲連魚骨啲肉都唔放過🤭.🌟炸雞膝軟骨 $48呢個性價比好高，份量都算幾多，皮唔會厚而且每啖咬落熱辣辣又香脆。.🌟自家製免治雞肉丸 $48日本串燒呢個真係我最愛，最鍾意就係沾滿曬蛋汁果種味道🤤雞肉丸入面仲有啲軟骨位，咬落都好脆。.🌟紫蘇雞肉丸 $42紫蘇菜嘅比例掌握得非常好，完全唔會搶味，反而陣陣嘅香味令到成個雞肉丸味道更佳！.🌟汁燒墨魚咀 $38墨魚咀一共有4粒，而且都幾大粒，入口有非常之香嘅墨魚味，咬落亦都好爽口。.🌟山葵豆腐 $36山葵其實主要係一種醬料，食落有少少似帶有芥末嘅沙律醬，豆腐上面都有其他配料，外身經油炸非常香口，咬落去外脆內軟。.🌟前菜 $32呢個價錢已經包咗3份前菜，第一份係茄子好腍身又香口，第二份係秋葵同淮山，我個人係
之前已經留意到有唔少人食呢間居酒屋，今次終於到我嚟試！一開始到嘅時候發現店比我想像中細，入到去先知原來佢仲有上面果層，環境雖然唔算大但個裝修都好有日式居酒屋感覺。
———————————————
.
🌟藍子魚刺身 $428
未食之前就已經想讚讚個刀工，唔單止係魚片好薄身，仲要雕刻成天鵝同蝴蝶嘅配料，真係非常之靚😍魚片味道都非常鮮甜，成條魚連骨上，食到尾真係差啲連魚骨啲肉都唔放過🤭
.
🌟炸雞膝軟骨 $48
呢個性價比好高，份量都算幾多，皮唔會厚而且每啖咬落熱辣辣又香脆。
.
🌟自家製免治雞肉丸 $48
日本串燒呢個真係我最愛，最鍾意就係沾滿曬蛋汁果種味道🤤雞肉丸入面仲有啲軟骨位，咬落都好脆。
.
🌟紫蘇雞肉丸 $42
紫蘇菜嘅比例掌握得非常好，完全唔會搶味，反而陣陣嘅香味令到成個雞肉丸味道更佳！
.
🌟汁燒墨魚咀 $38
墨魚咀一共有4粒，而且都幾大粒，入口有非常之香嘅墨魚味，咬落亦都好爽口。
.
🌟山葵豆腐 $36
山葵其實主要係一種醬料，食落有少少似帶有芥末嘅沙律醬，豆腐上面都有其他配料，外身經油炸非常香口，咬落去外脆內軟。
.
🌟前菜 $32
呢個價錢已經包咗3份前菜，第一份係茄子好腍身又香口，第二份係秋葵同淮山，我個人係好鍾意呢個，佢調味後有少少麻香味，而且每一舊都非常爽口。第三份就係蕎頭，醃製過後甜甜地非常開胃。
.
🌟三得利啤酒(白啤) $88
呢杯真係性價比滿分，大杯到嚇左一跳😂
.
🔸整體評價🔸
氣氛唔錯而且整體性價比其實居酒屋黎講都算高，如果一班人附近食完野都可以考慮上嚟叫杯啤酒再加啲串燒慢慢Chill😎
張貼
