影片
更多
2021-03-14
172 瀏覽
呢間泰國菜想食左好耐，第一次朋友扭親腳冇成行，第二次因為疫情又冇去到，第三次終於去得成啦！！餐廳位於商廈二樓，如果好多人排隊搭𨋢可以行樓梯。地方都幾大，我星期日中午去，唔算多人，可以walkin，有卡位坐，張枱好大可以叫多幾樣野食。#火山排骨 $178👍～超級大份，要四個人先食得哂，排骨煮得好淋肉好滑，勁多肉汁勁香，熱騰騰上枱，青色果個似係泰式辣椒汁，少少酸辣，用膠手套撕開食，勁好食，仲好減壓，好耐冇咁大口大口咁食肉。大滿足！！#炭燒豬頸肉 $88～相對火山排骨肉質有啲硬，豬頸肉黎講都唔夠肥，但個外皮燒得好香口。#馬拉盞椰菜苗$88～推薦呢個椰菜苗，間好泰菜jl有通菜，但椰菜苗比較少有，好有菜味，微甘，炒菜火喉剛剛好，好爽脆。#生蝦刺身 $98～泰國菜必叫生蝦刺身，味道正常，辣椒有啲辣，食完肚餓已經值100分。#菠蘿海鮮炒飯 $98👍🏻～呢個菠蘿炒飯好有驚喜，起碼分到六碗，食極都有，多配料，有肉鬆，腰果，新鮮菠蘿，好多魷魚，有幾隻蝦，好似有啲臘腸碎，炒飯少到粒粒分明有光澤，我估加左咖喱粉炒到金黃色，口感仲好濕潤彈牙，下次都仲會食呢個飯。#青檸梳打 $28～除左新鮮青檸之外仲架左青檸汁，
餐廳位於商廈二樓，如果好多人排隊搭𨋢可以行樓梯。地方都幾大，我星期日中午去，唔算多人，可以walkin，有卡位坐，張枱好大可以叫多幾樣野食。
#火山排骨 $178👍
～超級大份，要四個人先食得哂，排骨煮得好淋肉好滑，勁多肉汁勁香，熱騰騰上枱，青色果個似係泰式辣椒汁，少少酸辣，用膠手套撕開食，勁好食，仲好減壓，好耐冇咁大口大口咁食肉。大滿足！！
#炭燒豬頸肉 $88
～相對火山排骨肉質有啲硬，豬頸肉黎講都唔夠肥，但個外皮燒得好香口。
#馬拉盞椰菜苗$88
～推薦呢個椰菜苗，間好泰菜jl有通菜，但椰菜苗比較少有，好有菜味，微甘，炒菜火喉剛剛好，好爽脆。
#生蝦刺身 $98
～泰國菜必叫生蝦刺身，味道正常，辣椒有啲辣，食完肚餓已經值100分。
菠蘿海鮮炒飯
15 瀏覽
0 讚好
0 留言
#菠蘿海鮮炒飯 $98👍🏻
～呢個菠蘿炒飯好有驚喜，起碼分到六碗，食極都有，多配料，有肉鬆，腰果，新鮮菠蘿，好多魷魚，有幾隻蝦，好似有啲臘腸碎，炒飯少到粒粒分明有光澤，我估加左咖喱粉炒到金黃色，口感仲好濕潤彈牙，下次都仲會食呢個飯。
#青檸梳打 $28
～除左新鮮青檸之外仲架左青檸汁，夠汽，解渴首選。
#椰青 $48
～新鮮，夠凍，夠甜，椰肉有啲硬！
**食完朋友仲話下次會再同朋友去食**
**要加一服務費**
張貼
