丼丼屋 (創紀之城五期(apm))

營業中

休息中

假日要返工，朋友好好，就我係番觀塘食。平時都唔知有咩好揀，朋友係apm排左三間，呢間快得黎似乎都ok。我都係自裝修後第一次上嚟呢層，開揚得黎又唔算太睇到內「龍」嘅。印象中食呢間已經係2016年年頭係青衣分店，唔特別有印象好唔好味。朋友揀咗個十勝帶廣名物豚丼，豚肉真心好味，佢煮得好入味，每啖肉都有佢特整嘅汁，個飯撈咗小小汁幾好味。我就揀左咖喱吉列豬扒滑蛋飯，佢個蛋真係滑，飯亦粒粒分明，豬扒麵粉唔算厚粉，肉亦剛好，份量係大，而且係真心飽！叫咗一客牛肉薯餅，上嗰刻真心熱，朋友都嚇親。好味，炸得剛好，薯打得夠匀！叫咗呢杯三得利角瓶威士忌梳打（$38），無乜味，飲唔到酒味咁。如果兩個女仔黎食，可以叫一個飯加小食，佢份量係大嘅。