更多
2025-02-27
382 瀏覽
之前去荃灣海之戀見到呢間餐廳新開,但望吓個餐牌價錢都幾進取,所以一直冇試。🫣近排知道咗原來佢係大角咀米芝蓮推薦嘅 RESTORAN SAY @sayahkg 新概念店,一樣有米芝蓮團隊打理。🤩加上原來八點後入座,海鮮類會有七折,小編就入去試吓。🤔入到去佢嘅環境同一般泰國菜都幾唔同,裝修風格比較似西餐廳,燈光暗暗地好有情調,而且喺某啲時間係可以睇到海景。🌊🌊🌊小編最意外嘅係我哋入去都八點幾,仍然全場爆滿,相信佢有返一定品質保證。芒果金柚沙律 $88 🥭🥭整個沙律都充滿金柚肉,有芒果粒,沙律菜,蝦米乾,乾蔥,啖啖果肉,酸酸甜甜,作為晚飯嘅開場小食十分開胃。味道:8/10蟹肉奄列 $178 🦀🦀店員放低的時候小編嚇了一跳,因為份量比想像中大,成個奄列包着滿滿的蟹肉,切開之後入邊除了蟹肉就係蟹肉!蟹肉肉質都幾嫩,而且有少少彈性,口感都幾好。但略嫌邊位比較燶,同埋比較油膩。但喜歡蟹肉的話,一定十分滿足。味道:7.8/10煎香草比目魚配香茅椰子湯 $158 🥥🥥呢道菜感覺係混合咗西食嘅風格,底下係經典嘅椰子湯,味道鮮甜,帶微微香茅味。中間擺咗兩大舊煎比目魚,魚皮雖然已經唔脆,但廚師煎到有股焦香嘅感
之前去荃灣海之戀見到呢間餐廳新開,但望吓個餐牌價錢都幾進取,所以一直冇試。🫣近排知道咗原來佢係大角咀米芝蓮推薦嘅 RESTORAN SAY @sayahkg 新概念店,一樣有米芝蓮團隊打理。🤩加上原來八點後入座,海鮮類會有七折,小編就入去試吓。🤔
入到去佢嘅環境同一般泰國菜都幾唔同,裝修風格比較似西餐廳,燈光暗暗地好有情調,而且喺某啲時間係可以睇到海景。🌊🌊🌊小編最意外嘅係我哋入去都八點幾,仍然全場爆滿,相信佢有返一定品質保證。
芒果金柚沙律 $88 🥭🥭
整個沙律都充滿金柚肉,有芒果粒,沙律菜,蝦米乾,乾蔥,啖啖果肉,酸酸甜甜,作為晚飯嘅開場小食十分開胃。
味道:8/10
蟹肉奄列 $178 🦀🦀
店員放低的時候小編嚇了一跳,因為份量比想像中大,成個奄列包着滿滿的蟹肉,切開之後入邊除了蟹肉就係蟹肉!蟹肉肉質都幾嫩,而且有少少彈性,口感都幾好。但略嫌邊位比較燶,同埋比較油膩。但喜歡蟹肉的話,一定十分滿足。
味道:7.8/10
煎香草比目魚配香茅椰子湯 $158 🥥🥥
呢道菜感覺係混合咗西食嘅風格,底下係經典嘅椰子湯,味道鮮甜,帶微微香茅味。中間擺咗兩大舊煎比目魚,魚皮雖然已經唔脆,但廚師煎到有股焦香嘅感覺,而且仔細品嚐仲會有啲油香,魚肉說軟腍嫩滑。整體味道清得來,又有少少變化同層次,係小編最鍾意嘅一道菜。
味道:8.2/10
紅咖喱檸檬葉燒封門柳 $168 🥩🥩
封門柳煎到大概7成熟,中間仲有少少紅色嘅部份。咬落去肉味幾香濃,但肉質就冇想像中嘅軟腍,反而比較乾咗少少。佢個醬汁應該就係红咖喱檸檬葉整成,其實就冇咖喱嘅味道,主要都係香草檸檬葉,令牛柳有一種清新嘅感覺,配搭都幾特別。
味道:7.6/10
爆蒜炒鮮蝦滑蛋飯 $88 🦐🍤
見餐牌話呢一個係招牌,所以就叫黎試吓。面頭可以見到有大量嘅金銀蒜,然後再有一個酸酸辣辣嘅醬汁俾你倒落去,所以可以想像到佢嘅味道係非常惹味,蒜香非常香濃。而且佢都有唔少蝦仁,肉質仲好彈牙搭配滑蛋,係又飽肚又惹味嘅一道主食。
味道:7.8/10
凍泰式奶茶 $28、椰青 $43
飲得出係用手標茶葉整嘅正宗泰式奶茶,兩個飲品味道上就正常發揮。如果想試啲特別嘅嘢飲,建議大家可以試吓佢哋嘅Cocktail,有專人調酒,搭配泰菜都幾特別。
味道:7.7/10
環境:8.2/10
服務:8/10
抵食:7.9/10
Kopitiam By Saya (荃灣)
荃灣大河道100號海之戀商場2樓2027-2028號舖
張貼