影片
更多
2024-07-11
283 瀏覽
今日嚟到荃灣嘅一間日式料理店 @kokorohkg ，小編發現佢近排越開越多，好積極擴張，除咗荃灣，元朗新開嘅YohoMix都有一間分店。呢間餐廳主打嘅係日式撈麵，強調自己同湯麵沾麵都有所唔同。咁小編今日就嚟試吓佢有幾特別啦。➡️全部のせまぜそば正宗全料東京勞麵 $109 （＋$20 大盛）呢個算係佢哋嘅招牌，有好多唔同嘅配料，包括紫菜、叉燒、鰹魚粉、獨門秘方調製肉燥等等。食用方法係將中間嘅生蛋黃篤穿，再利用佢同唔同嘅配料乳化成醬汁，然後撈埋。佢嘅醬汁非常之濃稠，每條邊都沾到，唔會有唔平均問題。至於味道上係以蛋香味為主，再有少少嘅堅魚粉同秘製肉燥嘅辣味。不過味道上會比較容易覺得膩，所以過程中都可以加黑椒同埋醋令佢嘅層次豐富啲。而小編都幾推介，可以試吓加醋，整體感覺會平衡返啲。佢嘅麵條係每日新鮮製造，係小編鍾意食嘅粗麵，而且煙韌彈牙，口感非常唔錯。比較失望嘅係叉燒肉質唔算好腍，同時叉燒炙燒香味唔夠突出。另外小編加咗大盛，覺得份量對男仔應該啱啱好，如果正常size應該細咗啲。不過撈麵食完可以免費要碗白飯，撈埋啲汁佢，如果會咁食嘅朋友正常size應該都ok。（小編冇咁做）味道：7.5/10➡️ト
今日嚟到荃灣嘅一間日式料理店 @kokorohkg ，小編發現佢近排越開越多，好積極擴張，除咗荃灣，元朗新開嘅YohoMix都有一間分店。
呢間餐廳主打嘅係日式撈麵，強調自己同湯麵沾麵都有所唔同。咁小編今日就嚟試吓佢有幾特別啦。
➡️全部のせまぜそば
正宗全料東京勞麵 $109 （＋$20 大盛）
呢個算係佢哋嘅招牌，有好多唔同嘅配料，包括紫菜、叉燒、鰹魚粉、獨門秘方調製肉燥等等。食用方法係將中間嘅生蛋黃篤穿，再利用佢同唔同嘅配料乳化成醬汁，然後撈埋。佢嘅醬汁非常之濃稠，每條邊都沾到，唔會有唔平均問題。至於味道上係以蛋香味為主，再有少少嘅堅魚粉同秘製肉燥嘅辣味。不過味道上會比較容易覺得膩，所以過程中都可以加黑椒同埋醋令佢嘅層次豐富啲。而小編都幾推介，可以試吓加醋，整體感覺會平衡返啲。
佢嘅麵條係每日新鮮製造，係小編鍾意食嘅粗麵，而且煙韌彈牙，口感非常唔錯。比較失望嘅係叉燒肉質唔算好腍，同時叉燒炙燒香味唔夠突出。
另外小編加咗大盛，覺得份量對男仔應該啱啱好，如果正常size應該細咗啲。不過撈麵食完可以免費要碗白飯，撈埋啲汁佢，如果會咁食嘅朋友正常size應該都ok。（小編冇咁做）
味道：7.5/10
➡️トリュフ鴨醤油ラーメン
黑松露鴨胸醬油拉麵 $109
呢款係荃灣店限定，賣相好吸引。湯底主要係醬油嘅清香味，不過黑松露味唔算好突出，另外加咗洋蔥、京蔥同埋大蒜，會再惹味啲。反而鴨胸幾唔錯，肥瘦適中同好嫩滑，但整體不是太有驚喜。
味道：7/10
➡️手羽メンタイ
明太子雞翼 $36
一共兩隻，外皮整得幾香口，入面釀咗明太子，但明太子嘅鹹辣味唔算好突出，配埋蛋黃醬反而味道被搶咗。
味道：7/10
➡️烏龍茶 $28（8折）
呢個幾有驚喜，夠凍之餘，茶香好突出，有微微回甘，食完拉麵飲好鬼正。
味道：7.8/10
環境：7.6/10
服務：6.7/10
抵食：6.8/10
（有收加一服務費）
麺屋こころ (荃灣)
荃灣大河道100號海之戀商場1樓1005號舖
#香港必食 #香港美食 #食評 #香港食評 #香港生活 #小紅書 #hkig #hkfood #hkfoodie #hkeat #yuenlong #yuenlongfood #元朗 #元朗美食 #荃灣 #荃灣美食 #tsuenwan #日本 #日本美食 #japan #japanesefood #ramen #拉麵 #ラーメン #mazesob #kokoro #醤油ラーメン #まぜそば #tokyo #東京
張貼
