Latter Cafe

營業中

休息中

【灣仔區】【LATTER】港鐵東鐵綫會展站開通之後，我哋呢啲新界人去灣仔真係方便咗好多。難得有個寫意嘅下晝就同春哥去咗試呢間寵物友善嘅 cafe，去到果然見到有啲狗主帶埋好可愛嘅狗仔喺度歡度下午嘅時光。而我哋就叫咗啲嘢飲、嘢食同埋甜品嚟試，都係一種享受。我先試 $118 嘅「芝士火腿哈密瓜沙律」配「和風柚子汁」，我平時食肉類多，對沙律嘅要求都好高，呢個係好食嘅，味道夠濃，唔會好寡。春哥就試 $148 嘅「香煎帶子明太子扁意粉」，我都食咗啲，帶子煎得啱啱好，明太子味夠濃，個汁幾得，係好食嘅。嘢飲我試 $68 嘅「焦糖香蕉咖啡」，係用自家拼配豆，有花香、櫻桃、波特酒，層次好夠。春哥就試 $62 嘅「桂花冷萃咖啡」，係秋季限定產品，春哥話好清新。最後試多件甜品，係 $48 嘅「Latter原味巴斯克芝士蛋糕」，勁好食，好邪惡，埋單 $444，開心嘅。。。（地址：灣仔謝斐道151-153號金聲大廈地下E號舖）@lattercafehk#1amfoodie #foodie #hkfoodie #thatfoodiething #hkfood #food #instafood #yummy #fo