影片
更多
2024-04-19
186 瀏覽
【灣仔區】【Grill ขนทอง】呢日同費特哥行銅鑼灣，行行吓無啦啦落雨，咁不如搵間餐廳坐低飲杯嘢、食少少嘢啦。我之前已經食過「Grill ขนทอง」呢間喺蘭桂坊已經好出名嘅泰國餐廳，唔知原來銅鑼灣都有，既然覺得佢唔錯，就不如試埋銅鑼灣店，費特哥都唔介意就入去喇。因為我哋本身都唔係太肚餓，所以一開始係試「柚子海鮮沙律」，估唔到都幾大碟，而且味道幾好。啖啖碌柚肉配唔同種類嘅海鮮，都幾夾。另外試埋「泰式青咖哩大魚蛋」，青咖哩嘅味道非常之好，大魚蛋就係類似長洲大魚蛋嗰隻，兩者嘅結合都幾好食。串燒我哋試咗「菠蘿」同「白鱔」，兩者都燒得好香好正，後者估唔到夾泰式燒法都幾好，比較少咁食。然後試「焦糖燉蛋」，有驚喜，焦糖面係脆嘅。嘢飲今次我飲「生啤」，都係 Singha 嘅，幾好飲嘅。費特哥就飲我推薦嘅「龍眼冰」，佢當然讚不絕口啦。。。（地址：銅鑼灣駱克道487-489號駱克駅地舖）@grill_cambo_lkf呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：中西區：1am1357
因為我哋本身都唔係太肚餓，所以一開始係試「柚子海鮮沙律」，估唔到都幾大碟，而且味道幾好。啖啖碌柚肉配唔同種類嘅海鮮，都幾夾。另外試埋「泰式青咖哩大魚蛋」，青咖哩嘅味道非常之好，大魚蛋就係類似長洲大魚蛋嗰隻，兩者嘅結合都幾好食。
串燒我哋試咗「菠蘿」同「白鱔」，兩者都燒得好香好正，後者估唔到夾泰式燒法都幾好，比較少咁食。然後試「焦糖燉蛋」，有驚喜，焦糖面係脆嘅。嘢飲今次我飲「生啤」，都係 Singha 嘅，幾好飲嘅。費特哥就飲我推薦嘅「龍眼冰」，佢當然讚不絕口啦。。。
（地址：銅鑼灣駱克道487-489號駱克駅地舖）
@grill_cambo_lkf
呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：
中西區：1am1357
張貼
