影片
更多
2023-03-02
37 瀏覽
壽司Omakase就有食過，但全雞串嘅Omakase真係第一次食。呢間位於堅尼地城海旁嘅日式串燒店，主打不同部位嘅雞串，而且全部食材都係由日本空運返嚟！除咗雞串，其實餐廳都仲有好多其他串燒，牛、羊等都有，全部都好高質！今次我同朋友就揀咗Omakase 全雞串套餐（$699/每位）～𝐘𝐚𝐤𝐢𝐧𝐭𝐨𝐫𝐢 𝐎𝐦𝐚𝐤𝐚𝐬𝐞 𝐬𝐞𝐭～▫️前菜：酸汁啫喱雞胸沙律🥗沙律加入好特別嘅黑醋啫喱，酸酸甜甜好開胃，蔬菜好fresh👍🏽▫️6款由廚師決定嘅雞串當日廚師揀咗（雞肝、雞頸、雞翼、雞軟骨、雞皮、明太子雞柳）我想講全部都好好食呀～🤤 其中最特別係平時比較少食到嘅雞肝，雞肝口感軟腍，再塗上師傅秘製嘅醬汁，食得好滋味😋▫️免治雞肉棒呢個係我最期待嘅，因為我真係好鍾意食🤣 免治雞肉入面有加入雞軟骨，所以令口感大增，再配埋月見汁，無得輸!!!▫️ 主菜：玉子燒、雞皮虎蝦、迷你雞白湯布烏冬🥚玉子燒非常厚切，食落有淡淡嘅蛋香！🦐雞皮虎蝦超級特別，廚師係大蝦嘅蝦肉上面用雞皮包住嚟燒，真係好考功夫。雞皮仲要燒到好香脆，蝦肉好鮮甜!🍜 迷你雞白湯布烏冬，個布烏冬好出色，整得超滑，雞湯濃郁得嚟唔會好鹹，好清好好味，我成碗烏冬連湯
除咗雞串，其實餐廳都仲有好多其他串燒，牛、羊等都有，全部都好高質！今次我同朋友就揀咗Omakase 全雞串套餐（$699/每位）
～𝐘𝐚𝐤𝐢𝐧𝐭𝐨𝐫𝐢 𝐎𝐦𝐚𝐤𝐚𝐬𝐞 𝐬𝐞𝐭～
▫️前菜：酸汁啫喱雞胸沙律🥗
沙律加入好特別嘅黑醋啫喱，酸酸甜甜好開胃，蔬菜好fresh👍🏽
▫️6款由廚師決定嘅雞串
當日廚師揀咗（雞肝、雞頸、雞翼、雞軟骨、雞皮、明太子雞柳）
我想講全部都好好食呀～🤤 其中最特別係平時比較少食到嘅雞肝，雞肝口感軟腍，再塗上師傅秘製嘅醬汁，食得好滋味😋
▫️免治雞肉棒
呢個係我最期待嘅，因為我真係好鍾意食🤣 免治雞肉入面有加入雞軟骨，所以令口感大增，再配埋月見汁，無得輸!!!
▫️ 主菜：玉子燒、雞皮虎蝦、迷你雞白湯布烏冬
🥚玉子燒非常厚切，食落有淡淡嘅蛋香！
🦐雞皮虎蝦超級特別，廚師係大蝦嘅蝦肉上面用雞皮包住嚟燒，真係好考功夫。雞皮仲要燒到好香脆，蝦肉好鮮甜!
🍜 迷你雞白湯布烏冬，個布烏冬好出色，整得超滑，雞湯濃郁得嚟唔會好鹹，好清好好味，我成碗烏冬連湯都食晒😋
食完好滿足，一次過試到咁多款雞串，而且食材全部都係廚師精心挑選，食物質素有保證，仲係寵物友善餐廳嚟呀！
張貼
