牛繁一人燒肉 (朗晴坊)

營業中

休息中

【油尖旺區】【牛繁一人燒肉】浣紗娘想食一人燒肉，唔想幫襯美心，就走到嚟旺角食。一人一個餐但啲嘢都係 share 食，咁就最好。我叫「A9 特選牛繁套餐」嘅 150G 版本，有橫膈膜肉、肩胛片同厚切牛舌配鹽醬，我覺得三款肉都幾正，尤其個牛舌呀。個餐仲有份泡菜，我加 $20 要咗碗大「牛繁蛋拌飯」配溫泉蛋，但味道就麻麻哋。再加 $20 要豬五花同加 $18 要牛胸花，兩者都係 50g，一食無妨。之後個 $54 嘅一口十勝和牛粒 50g 幾好食，好有牛味，係最好食嘅其中一碟。飲品我加 $23 飲罐「福島縣產白桃 CHU-HI」，酒精唔重，啱我。而浣紗娘叫「A4 牛舌套餐」，有 200G 嘅蔥燒薄切牛舌，佢加 $37 砌多啲厚切牛舌，啱呀，呢個正，而佢都話個飯一般，飲品佢就加 $16 飲枝 C&C 巨峰提子梳打。適逢星期一可以每個餐加 $8.8 換嘢，我哋換咗三粒木屐骨間牛肋肉同兩件日本櫻姬雞頸肉，都幾好味，抵。最後仲叫埋 $35 嘅伊比利亞黑毛豬肋條 50G 同 $22 嘅日本櫻姬雞三角 50G，都好食，加埋一 $555 埋單，係好盡興。。。（地址：旺角砵蘭街215號朗晴坊2樓）#1amfo